පේරාදෙණිය විශ්ව විද්‍යාලයේ ආපන ශාලාවක් තුළ පසුගිය 14 වෙනිදා සිදුවූ සිසු ගැටුමකට සම්බන්ධ සිසුන් තිදෙනෙක් පේරාදෙණිය පොලීසියට අද පැමිණ භාරවී තිබේ.
ඒ පේරාදෙණිය විශ්ව විද්‍යාලයේ මහා ශිෂ්‍ය සංගමයේ සභාපති සමඟ පැමිණය.
එම සිසුන් තිදෙනා කලා පීඨයේ සිව් වන වසරේ ඉගෙනුම ලබන සිසුන්ය. ඒ අය අම්බලන්ගොඩ, කල්එළිය සහ තුන්මෝදර ප්‍රදේශවල පදිංචිකරුවන්ය.
පොලීසිය මෙම සිසුන්ගේ ප්‍රකාශ සටහන්කර ගැනීමෙන් අනතුරුව පොලිස් ඇප මත මුදා හැරීමට පියවර ගෙන ඇත. පොලීසිය පවසන්නේ මෙම පහරදීම සම්බන්දයෙන් විමර්ශන තවදුරටත් පැවැත්වෙන බවය.
