ශ්‍රී ලංකාවේ සමාගම් අපනයනය කරන භාණ්ඩවලින් උපයන ඩොලර් ආදායම සම්පූර්ණයෙන්ම රුපියල් බවට පරිවර්තනය කළ යුතු යැයි ශ්‍රී ලංකා මහ බැංකුව පනවා තිබූ නීතිය ඉවත් කර තිබේ.
අපනයන මත ලබන ඩොලර් ආදායම සම්පූර්ණයෙන්ම රුපියල් බවට පරිවර්තනය කළ යුතු බවට වන නීතිය පනවනු ලැබුවේ රටේ පවතින ඩොලර් හිඟයට විසඳුමක් ලෙස බවද මහ බැංකුව සඳහන් කළේය.
එහෙත් එම නීතිය හේතුවෙන් අපනයන සමාගම් බලවත් ලෙස අසීරුතාවයට පත්වන බවට චෝදනා කරමින් අපනයන සමාගම් ඊට විරෝධයක් දැක්වීය.
මෙරට වාණිජ බැංකු ණයවර ලිපි නිකුත් නොකිරීම, භාණ්ඩ නිෂ්පාදනය සඳහා අවශ්‍ය අමුද්‍රව්‍ය ගෙන්වීමට තමන් උපයන ඩොලර් ප්‍රමාණයක් ළඟ තබා ගත යුතු යැයි අපනයන සමාගම් පෙන්වා දුන්නේ ය.
ඉකුත් 12 වැනි දා සිට මහ බැංකුව පනවා තිබූ එම නීතිය අද(16) සිට ක්‍රියාත්මක වන පරිදි ඉවත් කර තිබේ.
