ගෑස්, ඩීසල් අඛණ්ඩව ලබාදීමට අවශ්‍ය කටයුතු දැනටමත් ආරම්භ කර ඇති බවත් ලබන 21 දා සිට ප්‍රෙට්‍රල් දිගටම සැපයීමට ද හැකියාව ලැබෙන බවත් වැඩබලන ජනාධිපති රනිල් වික්‍රමසිංහ මහතා පවසයි.
ලෝක වෙළඳපොලේ තෙල් මිල පහළයාමත් සමඟ එම වාසිය ජනතාවට ලබාදීමට ඉන්ධන මිල ද පහළ දැමූ බව ද හෙතෙම කීය.
අද දිනයේදී රටේ වත්මන් තත්ත්වය පිළිබඳ විශේෂ ප්‍රකාශයක් කරමින් ඔහු වැඩිදුරටත් කියාසිටියේ ගොවි ණය අහෝසි කර දැමීමට ද තමා වැඩබාරගත් පසුව වහාන පියවර ගත් බවයි.
එමෙන්ම පාස්කු ඉරිදා බෝම්බ ප්‍රහාරය පිළිබඳ වින්දිතයන්ට යුක්තිය ඉටුකිරීමේ සියලු කටයුුතු හමාර කිරීම තම අරමුණක් බවත් හැකි ඉක්මනින් එම කටයුතු අවසන් කිරීමට තමා කටයුතු කරන බව ද වැඩබලන ජනාධිපතිවරයා වැඩිදුරටත් කීය.
