ශ්‍රී ලංකා නිදහස් පක්ෂය විසින් අමාත්‍යධුර ලබාගත් මහින්ද අමරවීර සහ නිමල් සිරිපාල ඔවුන් දරණ සියලුම තනතුරුවලින් ඉවත් කර තිබේ.
පක්ෂයේ පොදු තීරණයට පටහැනිව අමාත්‍යධුර ලබා ගැනීම හේතුවෙන් මෙම තීරණය ගත් බවද ශ්‍රී ලංකා නිදහස් පක්ෂය සඳහන් කරයි.
ඒ අනුව පක්ෂ සභාපති හිටපු ජනාධිපති මෛත්‍රීපාල සිරිසේන මහතාගේ අත්සනින් යුතුව නිවේදනයක් නිකුත් කරමින් අද පස්වරුවේ මේ බව සඳහන් කෙරිණි.
එම සම්පූර්ණ නිවේදනය මෙසේය.
ශ්‍රී ලංකා නිදහස් පක්ෂ සාමාජිකයන් අමාත්‍ය ධූර ලබාගැනීම සම්බන්ධව
ශ්‍රී ලංකා නිදහස් පක්ෂයේ අවසන් මධ්‍යම කාරක සභාවේදී තීරණය වූයේ පාර්ලිමේන්තුව තුළ විපක්‍ෂයේ සිටිමින් රජය පොදු මහජනතාව වෙනුවෙන් ගනු ලබන යහපත් තීරණ සඳහා පමණක් පක්‍ෂයක් ලෙස සහය දැක්වීමයි.
අදාළ එම තීරණයට පටහැණිව රජයේ අමාත්‍ය ධූරයක් ලබාගන්නා යම් මන්ත්‍රීවරයෙකු වේ නම්, ඔහු ශ්‍රී ලංකා නිදහස් පක්ෂය තුළ දරන සියලුම තනතුරුවලින් ඉවත්කළ යුතු යැයි මධ්‍යම කාරක සභාවේ ඒකමතික තීරණය වේ.
ඒ අනුව රජයේ අමාත්‍ය තනතුරු ලබා ගන්නා ශ්‍රී ලංකා නිදහස් පක්ෂයේ මන්ත්‍රීවරුන් පක්ෂයේ දරන සියලු තනතුරු වලින් ඉවත් කෙරේ.
මෛත්‍රීපාල සිරිසේන
සභාපති,
ශ්‍රී ලංකා නිදහස් පක්ෂය.
