කොල්ලුපිටිය හා ගාලුමුවදොර ප්‍රදේශයේ සිදු වූ කලහකාරී සිද්ධියට සම්බන්ධ තවත් සැකකරුවෙකු සහ සැකකාරියක් අපරාධ පරීක්ෂණ දෙපාර්තමේන්තුව විසින් අත්අඩංගුවට ගෙන තිබේ.
එම ස්ථානවල පසුගිය 09 වන දින සිදුවූ ප්‍රචණ්ඩ ක්‍රියා හා කලහකාරී ක්‍රියා සම්බන්ධයෙන් අද දින අත්අඩංගුවට ගනු ලැබූ සැකකරුවෙකු සැකකරු හංවැල්ල ප්‍රදේශයේදී ද සැකකාරිය පොල්ගහවෙල ප්‍රදේශයේ සැඟව සිටියදී ද අපරාධ පරීක්ෂණ දෙපාර්තමේන්තුව විසින් අත්අඩංගුවට ගෙන ඇත.
අත්අඩංගුවට ගන්නා ලද සැකකරු වයස අවුරුදු 53 ක් වූ හංවැල්ල තුංමෝදර ප්‍රදේශයේ පදිංචි හංවැල්ල විවිධ සේවා සමුපාකාර සමිතියේ සභාපතිවරයා වේ.
සැකකාරිය වයස අවුරුදු 59 ක් වූ රත්මලාන දුම්රියපොල පාර ප්‍රදේශයේ පදිංචි දෙහිවල ගල්කිස්ස මහනගර සභාවේ මන්ත්‍රීවරියකි.
සැකකරු සහ සැකකාරිය හෙට (20) වන දින අධිකරණයට ඉදිරිපත් කිරීමට නියමිතව ඇත.
