පවතින ආර්ථික අර්බුදය සමනය කරගැනීම සඳහා ශ්රී ලංකාවට මේ වසරේ දී අමෙරිකානු ඩොලර් බිලියන 3 – 4ක් පමණ බාහිර පාර්ශ්වයන්ගෙන් සපයා ගැනීමට අපේක්ෂා කරන බව මුදල් අමාත්ය අලි සබ්රි මහතා පවසයි.
මුල්යාධාර සපයා ගැනීම වෙනුවෙන් සහය ලබාගැනීම සඳහා ජාත්යන්තර මූල්ය අරමුදල සමඟ ලබන 18 වැනිදා සාකච්ඡා ආරම්භ කිරීමට සැලසුම් කර ඇති බව මුදල් අමාත්යවරයා පවසා ඇත්තේ ජාත්යන්තර රූපවාහිනී නාළිකාවක් වන බ්ලූම්බර්ග් වෙත කරුණු දැක්වීමක් ඔස්සේයි.
ජාත්යන්තර මුල්ය අරමුදල මෙන්ම ලෝක බැංකුව, ඉන්දියාව, චීනය ආදි සෙසු පාර්ශ්ව සමඟින් ද මුල්ය සහය ලබාගැනීමට මේ වනවිට සාකච්ඡා පැවැත්වෙන් ඇති බව ද අමාත්යවරයා එහිදී කීය.
ඉන්දියාව දැනටමත් සහය ලබාදීමට එකඟ වී ඇති අතර චීනය සමඟ සාකච්ඡා සිදුවෙමින් පවතින බවත් ධනාත්මක ප්රතිචාර ලැබී ඇතැයි ද හෙතෙම සඳහන් කළේය.
ජාත්යන්තර මුල්ය අරමුදල සමඟ අප්රේල් 18 වෙනිදා වොෂින්ටනයේ සාකච්ඡා ආරම්භ කිරීමට නියමිත බවත්, සියල්ල හොඳින් සිදුවුවහොත් සතියකට පසු හදිසි සහන අරමුදල් බලාපොරොත්තු වන බවත් සබ්රි මහතා එහිදී පැවසීය.
EXCLUSIVE: Sri Lanka’s new finance minister, Ali Sabry, says the country plans to start talks with the IMF on April 18 to secure as much as $4 billion in aid for the economy.
He also signaled optimism in getting financial support from China and India https://t.co/oUksMp7ea6 pic.twitter.com/uIzYwe2aEK
— Bloomberg (@business) April 14, 2022