රජය පොහොර ආනයන තහනම ඉවත් කළ ද ඉදිරි යල කන්නයේදී පොහොර දැඩි හිඟයක් උද්ගතවන බව පොහොර ආනයන සමාගම් සඳහන් කරයි.
ඩොලර් හිඟය සහ ණයවර ලිපි නිකුත් කිරීමට නොහැකි වීම නිසා පොහොර ගෙන්වීමට නොහැකි වී ඇතැයි ද ආනයන සමාගම් සඳහන් කරයි.
යල කන්නයේ වී ගොවිතැනට සහ අනෙකුත් වගාවන්ට පොහොර ටොන් ලක්ෂ 3ක් වත් අවශ්‍ය වන අතර මේ වන විට ඇණවුම් කර ඇත්තේ ටොන් 30,000 ක් පමණක් ප්‍රමාණයකැයි ද එම සමාගම් කියයි.
යල කන්නය මේ මාර්තු මස අග භාගයේ ආරම්භ වන අතර ඉන්පසුව පොහොර අවශ්‍ය වන නමුත් මහකන්නයේදී ගොවීන්ට සිදු වූ පීඩාව මෙවර යල කන්නයේ දී සිදුවන බව පොහොර ආනයන සමාගම් පෙන්වා දෙයි.
ණයවර ලිපි විවෘත කර මෙරට පොහොර ආනයන කිරීමට අවම වශයෙන් මාස දෙකක කාලයක්වත් යන බවද එම සමාගම් සඳහන් කරයි.
