2021 දෙසැම්බර් මස 31 වැනිදායින් අවසන් වූ මුදල් වර්ෂයේ දී මහජන බැංකුව රුපියල් බිලියන 28.1ක ලාභයක් ලබා ඇතැයි මහජන බැංකුවේ සභාපති සුජීව රාජපක්ෂ මහතා පැවසීය.
මහජන බැංකුව 2021 වසරේ දී ලැබූ එම ලාභය ඉකුත් 2020 වසරට සාපේක්ෂව 74.6%ක ඉහළ යාමක් බව ද මහජන බැංකුව ලැබූ එම ලාභයෙන් සියයට 90 ක ප්‍රමාණයක් ශුද්ධ පොලී ආදායමෙන් ලබාගෙන ඇතැයිද ඔහු සඳහන් කළේය.
2021 මහජන බැංකුවේ සමස්ත මෙහෙයුම් ආදායම රුපියල් බිලියන 110.7ක් වූ අතර මෙහෙයුම් වියදම රුපියල් බිලියන 50.5ක් වූ බව ද සුජීව රාජපක්ෂ මහතා කීය.
අරමුදල් පාදක නොවන ආදායම් මූලාශ්‍ර ඉහළ නැංවීමට බැංකුව ගන්නා උත්සාහය විදහා දක්වමින් ගාස්තු ආදායම සියයට 23.4%කින් වැඩි වූ බවද සභාපතිවරයා කීය.
එම වසරේදී ගාස්තු ආදායම රුපියල් බිලියන 9 දක්වා ඉහළ ගොස් තිබූ බවද සුජීව රාජපක්ෂ මහතා කීය.
