රට පුරා ප්‍රදේශ ගණනාවක තවමත් ගෑස් හිඟයක් පවතින බව පාරිභෝගිකයෝ මැසිවිලි නගති.
ගෑස් හිඟය සති දෙක තුනකින් නිමා කරන බවට මීට මාසයකට පමණ ඉහතදී ලිට්රෝ සමාගම ප්‍රකාශ කළ ද තවමත් වෙළෙඳපොලේ ගෑස් හිඟව පවතින බව වාර්තා වේ.
මේ අතර ලාෆ් ගෑස් සමාගමේ ගෑස් තොග මාස කීපයක සිට තමන්ට නොලැබෙන බව වෙළඳසැල් හිමියෝ පවසති.
මේ පිළිබඳව කළ විමසුමකදී ලිට්රෝ සහ ලාෆ් ගෑස් සමාගම් වල ප්‍රකාශකයින් සඳහන් කළේ ඩොලර් අර්බුදය හේතුවෙන් ආනයනය සීමා වී ඇති බවය.
එම නිසා තවමත් වෙළඳපොලේ ගෑස් හිඟයක් පවතින බවද එම ප්‍රකාශකයා සඳහන් කළේය.
