පොත් මිලත් හරි අඩකින් වැඩිවන ලකුණු

වෙළෙඳපලේ පවතින කඩදාසිවල මිල තත්ත්වය හේතුවෙන් පොතක මිලද 50 % කින් ඉහළ දැමීමට සිදුවන බව ශ්‍රී ලංකා පොත් ප්‍රකාශකයින්ගේ සංගමය පවසයි.

එම සංගමයේ ලේකම් උපාලි වනිගසූරිය මහතා පැවසුවේ පවතින ඩොලර් අර්බුදය හේතුවෙන් පොත් ප්‍රකාශනයට භාවිත කරන 70 GSM නැමති කඩදාසිවල මිල ගණන් ද රුපියල් 2000 කින් වැඩි වී ඇති බැවින් මෙම තීරණය ගත් බවයි.

වෙළෙඳපලේ රුපියල් 3000ක්ව පැවති කඩදාසි රෝලක් මේ වන විට රුපියල් 5000 ක් දක්වා ඉහළ ගොස් ඇති බවද ඔහු සඳහන් කළේය.

අධික මිල තත්ත්වය හේතුවෙන් අමුද්‍රව්‍ය සපයා ගැනීමට නොහැකිව මේ ව න විට පොත් ප්‍රකාශන ආයතන වැසී යාමේ තත්ත්වයකට පත්ව ඇති බව ඒ මහතා වැඩිදුරටත් සඳහන් කළේය.