ඇමරිකා එක්සත් ජනපද කොන්ග්‍රස් සභිකයෙකු සහ සිය පවුලේ සමාජිකයින් ගිණි අවි අතැතිව සිටින අයුරු දැක්වෙන ඡායාරූපයක් නත්තල් සුබ පැතුම් එක් කිරීමට සමාජ ජලා මාධ්‍ය වල පළකරීමත් සමඟ එරට ජනතාව අතර දැඩි කතා බහක් නිර්මාණය වී ඇත.
ඇමරිකාවේ කෙන්ටකී නියෝජනය කරන තෝමස් මසී නැමති එම කොන්ග්‍රස් සභිකයා මෙම ඡායාරූප පළ කර ඇත්තේ “සුබ නතත්තලක්, නත්තල් සියේ අපිට උණ්ඩ ගෙන එන්න” යනුවෙන් සඳහන් කරමිනි.
මෙම ඡායාරූපය පළ කිරීමට දින කිහිපයකට පෙර ඇමරිකවේ මිචිගන් හී පාසලක සිසුවෙකු විසින් වෙඩි තැබීමක් සිසුන් සිව්දෙනෙකු මරණට පත්වීමත් සමස්ථ රටේම අවධානය දිනාගෙන ඇති මොහොතකය.
ඇමරිකානු නීතිය අනුව සිවිල් වැසියන්ට ගිණි අවියක් ලඟ තබා ගැනීමට හැකියාව පවතින අතර එරට නීතිය අනුව පූර්ණ ස්ව්‍යංක්‍රීය ගිනි අවි සිවිල් වැසියන්ට ලඟතබා ගැනීමට නොහැකි වුවත් ඊට බොහොසෙයින් සමාන අර්ථ ස්ව්‍යංක්‍රිය ගිණි අවි ලඟ තබා ගැනීමට අවස්ථාව හිමිවේ.
රටක ජනගහනයට සාපේක්ෂව වැඩියෙන්ම ගිනි අවි පවතින්නේ ඇමරිකා එක්සත් ජනපද තුල වන අතර මේවන විට එරට තුල ගිනි අවි වලට විරෝධීව හඬක් නැගෙමින් පවතී.
කෙසේ වෙතත් එරට බොහොමයක් දේශපාලඥයින් ගිනි අවි ලඟ තබා ගැනීමට සහ පළකරමින් සිය දේශ පාලන කටයුතු මෙහෙයවන අතර ඇතැමුන් සිය මැතිවරණ ප්‍රචාරන කටයුතු වලදී ප්‍රසිද්ධිය ගිනි අවි අතැතිව සිටීමටද පෙළෙඹුණු අවස්ථා වාර්තා වේ.
