දකුණු කොරියාව බලු මස් අනුභවය තහනම් කිරීම සලකා බැලීම සඳහා කාර්ය සාධක බලකායක් දියත් කර තිබේ.
ඒ එරට ජනාධිපතිවරයා විසින් එම පුරුද්ද අවසන් කිරීම පිළිබඳව සොයා බැලීමට ඉදිරිපත් වීමෙන් පසුවය.
තරුණ අය සාමාන්‍යයෙන් බලු මස් ආහාර ගැනීමට අරුචියක් පෙන්වන අතර සුරතල් සතුන් ජනප්‍රිය වෙමින් පවතින බැවින් රට තුළ බලු මස් සපයන අවන්හල් සංඛ්‍යාව ද පහත වැටී ඇත.
කෘෂිකර්ම අමාත්‍යාංශය ඇතුළු රජයේ කාර්යාල හතක් පැවසුවේ බලු මස් පරිභෝජනය තහනම් කළ හැකි නිර්දේශ ඉදිරිපත් කිරීම සඳහා නිලධාරීන්, සිවිල් විශේෂඥයින් සහ අදාළ සංවිධානවල පුද්ගලයින්ගෙන් සමන්විත කණ්ඩායම දියත් කිරීමට තීරණය කළ බවයි.
බලධාරීහු මහජන මතය විමසා බලමින් සුනඛ ගොවිපලවල්, ආපනශාලා සහ අනෙකුත් අංශවලින් තොරතුරු රැස්කරයි.
දැනට මෙම තීරණය සඳහා එරට තුළ අකමැති පිරිස මෙන්ම කැමැති පිරිස ද සම සමව සිටින බව වාර්තා වේ.
