කල්‍යාණි රන් පිවිසුම අද සවස සිට ජනතාවට විවෘතයි

කල්‍යාණි රන් පිවිසුම (නව කැලණි පාලම) අද (25) සවස 3.00 සිට මහජනතාව සඳහා විවෘත විය.

කොළඹ-කටුනායක අධිවේගී මාර්ගයට (E03) පෑලියගොඩ වටරවුමෙන් දැනට පවතින ප්‍රවේශ මාර්ගය අද දින සිට දින 3ක් තාවකාලිකව වසා තැබෙන බව මහාමාර්ග අමාත්‍යාංශය නිවේදනය කරයි.

අධිවේගී මාර්ගය වෙත ප්‍රවේශ වීම සඳහා පෑලියගොඩ – පුත්තලම මාර්ගයේ (A3) සිට පෑලියගොඩ අන්තර් හුවමාරුවට ඇති පිවිසුම් මාර්ගය හා ඔරුගොඩවත්ත සහ ඉගුරුකඩේ මංසන්ධි වල ඉදිකර ඇති ප්‍රවේශ මාර්ග භාවිතා කළ හැකි බව මහාමාර්ග අමාත්‍යාංශය දන්වා සිටී.