ත්‍රිකුණාමලය කින්නියාහීදී ජීවිත 06 ක් බිලි ගනිමින් කලපුවේ පෙරලුණු පාලම් පාරුවේ ක්‍රියාකරුවන් දෙදෙනා සහ හිමිකරු අත්අඩංගුවට ගත් බව පොලීසිය සදහන් කරයි.
අත්අඩංගුවට ගත් පාලම් පාරුවේ හිමිකරු පාර්ලිමේන්තු මන්ත්‍රීවරයෙකුගේ මෙන්ම කින්නියා ප්‍රාදේශීය සභාවේ සභාපතිවරයාගේ මස්සිනාය.
අත්අඩංගුවට ගත් සෙසු දෙදෙනාගෙන් එදක් අයෙක් වන්නේ පාලම් පාරුවේ ක්‍රියාකරුවන අතර අනෙකා එහි ගමන් කළ මගීන්ගෙන් මුදල් අයකළ තැනැත්තාය.
ප්‍රමාණය ඉක්මවා මගීන් රැගෙන යාමෙන් පාරුවේ සමබරතාවය ගිලිහී ගොස් මෙම අනතුර සිදුව ඇති බව මූලික පොලිස් විමර්ශනවලින් පෙනී ගොස් ඇත. ඒ අනුව මෙම සැකකරුවන්ට එරෙහිව මිනිස් ඝාතන චෝදනා ගොනු කිරීමට නීතිපතිවරයාගෙන් උපදෙස් ලබාගන්නා බව උසස් පොලිස් නිලධාරියෙක් පැවැසීය.
