කොළඹ විශ්ව විද්‍යාලයට අභිනව ඉංජිනේරු පීඨයක් ආරම්භ අද දිනයේ සිදු විය. මේ සඳහා විශේෂ උත්සවයක් විශ්ව විද්‍යාලයේදී පැවැත්විණි. එම වැඩසටහන මෙතනින් නරඹන්න.
දැනට කොළඹ විශ්ව විද්‍යාලයේ පීඨ 7 ක් පවතින අතර නවතම ඉංජිනේරු පීඨයත් සමග ඒ සංඛ්‍යාව 8 ක් වනු ඇති. දැනට වසරකට ඉංජිනේරු විද්‍යාව උදෙසා ඇතුලත් කරාන්න ප්‍රමාණය 2213 ක් වන අතර අභිනව ඉංජිනේරු පීඨය හරහා මේ ප්‍රමාණය ඉදිරියේදී තවදුරටත් වැඩි වනු ඇති.
කොළඹ විශ්ව විද්‍යාලයේ අභිනව ඉංජිනේරු පීඨයේ විෂයමාලා සම්පාදනයට ලංකාවේ ප්‍රමුඛතම ඉංජිනේරු පීඨය වන මොරටුව විශ්ව විද්‍යාලයේ ඉංජිනේරු පීඨයේ සහයද ලැබෙනු ඇත.
කොළඹ විශ්ව විද්‍යාලයට අනුබද්ධ ඉංජිනේරු පීඨයක් 1950 දී ආරම්භ කරන ලද නමුත් පසුව 1965 දී එය පේරාදෙණියට මාරු කරන ලදී.
යෝජිත ඉංජිනේරු පීඨයේ යෝජනාව සම්මත කිරීමේ දෙදින මූලික වැඩමුළුවක් 2018 ජනවාරි 12 සහ 13 යන දෙදින පානදුර ජී ජී හෝටලයේදී කොළඹ විශ්වවිද්‍යාලයේ උපකුලපති, ජ්‍යෙෂ්ඨ මහාචාර්ය ලක්ෂ්මන් දිසානායක, ලේඛකාධිකාරී, බර්සාර් සහ සමඟින් පැවැත්වුනු නමුත් මේ සමාරම්භය ඔස්සේ මේ ක්‍රියාවලිය තව තවත් වේගවත් වනු ඇති.
