ඔක්ස්ෆර්ඩ් ඉංග්‍රීසි ශබ්දකෝෂයේ (OED) ශබ්දකෝෂ ශිල්පීන් විසින් වසරේ වචනය ලෙස තෝරාගෙන ඇති වදන වන්නේ Vax යන්නයි.
Covid-19 ගෝලීය වසංගතය හේතුවෙන් 2021 දී එන්නත්වලට අදාළ වචන සංඛ්‍යාතයෙන් ඉහළ ගොස් ඇත.
එන්නත්කරණයට අදාළව කෙටි වචනයක් ලෙස මෙම වචනය සම්බන්ධ කරමින් double-vaxxed, unvaxxed, anti-vaxxer යන වචන සියල්ලම භාවිතයේ වැඩිවීමක් දක්නට ලැබෙන බව ඔවුහු පෙන්වා දෙති.
ඔක්ස්ෆර්ඩ් ඉංග්‍රීසි ශබ්දකෝෂයේ ජ්‍යෙෂ්ඨ සංස්කාරක ෆියෝනා මැක්ෆර්සන් පවසන්නේ වැක්ස් ‘වඩාත්ම කැපී පෙනෙන බලපෑමක්’ ඇතිකර ඇති බැවින් එය පැහැදිලි තේරීමක් බවයි.
‘එය අඩුම තරමින් 1980 ගණන් දක්වා දිව යයි, නමුත් අපගේ සංග්‍රහයට අනුව එය මේ වසර දක්වා භාවිතා කර ඇත්තේ ඉතාම කලාතුරකිනි,’ ඇය පැවසුවාය.
Vax සහ vaxx යන දෙකම පිළිගත් අක්ෂර වින්‍යාසයන් වන නමුත් x එකක් සහිත වචනය වඩාත් පොදු බවට පිළිගෙන ඇත.
