කොළඹ වැසියන්ට ගල්කිස්ස වෙරළ තීරය අමතක නොවන අත්දැකීමකි. එමෙන්ම මෙම වෙරළ තීරය ලැවීනියාගේ ආදරයේ පටන් ආදර කතා රැසක තිඹිරි ගෙයයි. ගල්කිස්ස මහ හෝටලයේ පටන් ගාලු මුවොදර දෙසට විහිදෙන වෙරළ තීරය මහ හෝටලයේ සිට බලන්නෙකුට අපූරු අත්දැකීමකි. රාත්‍රියේ හැඩවු කොළඹ කොමලිය එම ස්ථානයට අපුරුවට දර්ශනයවෙයි.
මෙවන් අපූර්වත්වයක් ගෙන ආ මෙම වෙරළ තීරය මංගල යුවල ඡායාරූප ගැනීමේ මංසදිස්ථානයක්ද වුයේ එහි ගල්පරවල වැදී විසිරෙන විචිත්‍රවත් ස්වභාව සෞන්දර්ය නිසාය. නමුත් මෙම ස්ථානය ගැන පසුගියදා එකවරම අසන්නට ලැබුණු ප්‍රවෘත්තිය වුයේ වෙරළ තීරය වැළිවලින් පුරවා ඇති බවයි.
විද්‍යාත්මක කාරණා තඹ දොයිතුවකට ගණන් නොගන්නෙකුට කලාවට හිමිව තිබු අද්විතීය වෙරළ තීරයේ චමත්කාරය ගිලිහීම වාවන්නේ නැත. වෙරළ ඛාදනයට වැලි පිරවීම වැනි කාරණයක් ඔවුන්ට කොහෙත්ම වැදගත් නැත. මේ නිසා ගල්කිස්ස වෙරළේ වැලි පිරවු සිද්ධිය විදුලි වේගයෙන් ජනතාවගේ හදවත් කදුලින් තෙත් කළේය.
එසේ වුවද මෙම ව්‍යාපෘතියේ පැවැති සද් භාවය කුමක්දැයි දන්නේ වෙරළ සංරක්ෂණ හා වෙරළ සම්පත් කළමනාකරන දෙපාර්තමේන්තුවයි. එහි අධ්‍යක්ෂ ජෙනරාල් නීතිඥ ප්‍රභාත් චන්ද්‍රකීර්ති මේ සම්බන්ධයෙන් පැවැති විරෝධතාව සමනයවනතුරුම මාධ්‍යයේ මේ ගැන පැහැදිලි කළේය.
නමුත් ඊයේවනවිට පැවැති තත්ත්වය හාත්පස වෙනස් වී ඇත්තේ ඒසේ මිලියන 120 පමණ වැයකොට පුරවන ලද වැලි තොගය නැවත මුහුදු ඛාදනයට ලක්වී පැරණි ස්වරූපය නැවත මතුවීමයි. කොටින්ම කියතොත් ගල්කිස්ස වෙරළ විචිත්‍රවත් කළ ගල්වැටි නැවත මතුවෙමින් කෘතිමව පුරවන ලද වැලි මහ සයුරේ නොපෙනීයාමයි.
මෙම තත්ත්වය ගැන වෙරළ සංරක්ෂණ හා වෙරළ සම්පත් කළමනාකරන දෙපාර්තමේන්තුවේ අධ්‍යක්ෂ ජෙනරාල් නීතිඥ ප්‍රභාත් චන්ද්‍රකීර්ති පවසන්නේ මෙවැන්නකි.
හැමදෙනාම කතාකරන්නෙ එක් පැත්තක අඩුවුණු වැලි ප්‍රමාණය ගැන පමණයි. අපි ව්‍යාපෘතිය නිර්මාණය කළේම එක් පැත්තකින් වැලි අඩුවී එම වැලි ප්‍රමාණය වැල්ලවත්ත දෙසට ගොස් කිලෝමීටර් දෙකක පමණ වෙරළ තීරයක් නිර්මාණය වීමටයි. මෙම ඇතිව තිබෙන්නෙ වෙරළ ඛාදන තත්ත්වයක් නෙමෙයි
කෙසේ වෙතත් මිලියන 120 මුදල් කිසිවෙකු විසින් මහ මුහුදට නිකරුනේ ගිල ගන්නට සැලැස්සුවේනම් එහි වරදක් තිබේ. අදාල ව්‍යාපෘතියට අනුමැතිය දුන්නේ කෙසේද යන්න ගැන පහත ලිපිය ඔස්සේ තොරතුරු සාරංශ කළ හැකිය.
දකුණු කොළඹ වැලි පෝෂණය කිරීමේ ව්‍යාපෘතිය
(2020 ජනවාරි සිට අප්‍රේල් දක්වා)
අරමුණ
ශ්‍රී ලංකාවේ වෙරළ ඛාදනය දශක ගණනාවක සිට වර්තමානය දක්වා පවතී. ශ්‍රී ලංකාවේ දූපත්මය පිහිටීම අනුව වෙරළ ඛාදනයේ ප්‍රවණතා දැකිය හැකිය. දකුණු, නිරිතදිග හා බටහිර වෙරළ තීරයන්ගෙන් ප්‍රධාන තැනක් ගනී. 2018 වසරේ වෙරළ කළාප කළමනාකරණ සැලැස්වමහි ඉහල වෙරළ ඛාදන ඇති වෙරළ තීරයන් රත්මලාන වෙඩිකන්ද, ගල්කිස්ස මෙන්ම කළුතර වෙරළ හඳුනාත හැකිය. අඟුලාන ගල්කිස්ස වෙරළ තීරයන් ඉතා අධික ජනගහනයක් වෙසන ප්‍රවේශ වීම හා ධීවර හා සංචාරක කටයුතු බහුල වීම යනාදී වහ්තූන් මත සුදුසු වෙරළ ඛාදන පිලියම කෘතීම වැලි පෝෂණය කර වෙනම වෙරළ තීරයන් ස්ථාපිත කිරීම අරමුණ විය.
ව්‍යාපෘතියේ සාරංශ හැදින්වීම
2017 වසරේ යෝජිත වූ ව්‍යාපෘතිය 2019 වර්ෂවේ මැයි මස 08 දින වැලි ඝන මීටර් 800,000 කෘතීමව පෝෂණය කළේය. වෙරළ ස්ථාපිත වීම සඳහා සුදුසු කොන්ත්‍රාත්කරුවෙකු කරුවකු සෙවීම සිදුවුයේ ඒ අනුවය.
ඒ අනුව ශ්‍රී ලංකාව මෙම කාර්යය කිරීම සඳහා සුදුසුකම් ලත් කොන්ත්‍රාත්කරුවෙකු බැවින් ජාත්‍යන්තර තරගකාරී ලංසු ක්‍රමය යටවත් ලංසු කැඳවා Rodhe Neilsen ආයතනයට ප්‍රදානය කිරීම සඳහා 2020 ජනවාරි මස 23 දින අමාත්‍ය මණ්ඩල අනුමැතිය ලැබිණි.
2020 ජනවාරි 30 දින එම ආයතනයට රුපියල්ක මිලියන 889 ක මුදලකට කොන්ත්‍රාත්තුව ප්‍රදානය කර ගිවිසුම් අත්සන් කරන ලදී. ගිවිසුමට අනුව මාස 3 ක කාලයක් තුල දී ව්‍යාපෘතිය 2020 අප්‍රේල් මස 30 දිනට අවසන් කළ යුතුය.
