ගොයම් කපන සුනාමි යන්ත්‍රයක් සම්බන්ධයෙන් වූ ආරවුලක් සමථයකට පත්කිරීමට රුපියල් 30,000ක මුදලක් අල්ලසක් ලෙස ලබාගැනීමක් සම්බන්ධයෙන් ගල්නෑව පොලිසියේ සේවයේ නිරත පොලිස් නිලධාරීන් දෙදෙනෙක් අල්ලස් හෝ දූෂණ චෝදනා විමර්ශන කොමිෂන් සභාවේ නිලධාරීන් විසින් ඊයේ (01) අත්අඩංගුවට ගෙන ඇත.
මෙසේ අත්අඩංගුවට ගෙන ඇත්තේ උප පොලිස් පරීක්ෂකවරයෙක් සහ කොස්තාපල්වරයෙකි.
ගල්නෑව පිටියේ යාය රණවිරු ගම්මානයේ පදිංචිකරුවෙක් වන පරණ යකඩ එකතුකරනු ලබන පුද්ගලයකුගෙන් මෙම අල්ලස් මුදල පොලිස් නිලධාරීන් විසින් ඉල්ලා ලබාගන්නා අවස්ථාවේදී අත්අඩංගුවට ගෙන තිබේ.
උප පොලිස් පරීක්ෂකවරයා අල්ලස් මුදල් ඉල්ලා ලබාගැනීම සම්බන්ධයෙන් සහ කොස්තාපල්වරයා ඊට අධාර හා අනුබලදීම සම්බන්ධයෙන් අත්අඩංගුවට ගෙන ඇත.
