මත්කුඩු ජාවාරම්කරුවෙක් වන රන්කැටියා නැමැත්තාගේ ගෝලයෙකු පොලිස් ක්‍රීඩා ටී ෂර්ට් 03ක් කැප් එකක් ඇතුළු භාණ්ඩ රැසක් සමග මහබාගේ පොලිසියේ නිලධාරීන් කණ්ඩායමක් විසින් ඊයේ (01) අත්අඩංගුවට ගෙන ඇත.
ඇත් දළ දෙකක්, ගමන් කථනයක්සහ අත්විලංගු ජෝඩුවක්ද මෙම සැකකරු සතුව තිබී සොයාගෙන තිබේ. ්‍
මෙම ඇත්දළ ජෝඩුව පානදුරේ වලව්වකින් සොරාගෙන ඇති බවට සැකකරන තොරතුරුක් ලැබී ඇති බැවින් ඒ සම්බන්ධයෙන් පානදුර පොලිසියේ සහය ඇතිව විමර්ශනයක් පැවැත්වෙන බව මහබාගේ පොලිසියේ උසස් නිලධාරියෙක් පැවසීය.
පොලිස් නිලධාරීන්ගේ පරිහරණය සදහා නිකුත්කර ඇති පොලිස් ක්‍රීඩා ඇදුම් 03ක් සහ කැප් එකක් මෙම සැකකරුට ලද ආකාරය ගැන දීර්ඝ ලෙස ප්‍රශ්න කිරීමේදී ඔහු පවසා ඇත්තේ පොලිස් නිලධාරියෙක් විසින් තමාට එම ඇදුම් ලබාදුන් බවය. එම නිලධාරියාව හදුනාගැනීමටද විමර්ශන ආරම්භකර ඇති බව පොලිසිය කියයි.
පොලිස් යැයි සදහන්කර ඇති මෙම ඇදුම් හැද මෙම සැකකරු පොලිස් නිලධාරියෙක් ලෙසින් පෙනී සිටිමින් අපරාධවල නිරතව තිබේදැයි සොයා විමර්ශන පැවැත්වෙන බවද පොලිසිය සදහන් කරයි.
රන්කැටියා නැමැති සැකකරු බන්ධනාගාරගතව සිටින අයෙක් බවත් මෙම සැකකරු රාගම හොරපේ පදිංචි අවුරුදු 28ක් වයසැති අයෙක් බවත් පොලිසිය සදහන් කළේය.
