සිය මවට පහරදී ඇගේ ගෙලබැදි රන් මාලය කොල්ලකෑ පුතුන් දෙදෙනෙක් සාලියවැව පොලිසියේ නිලධාරීන් විසින් ඊයේ (29) අත්අඩංගුවට ගෙන ඇත.
වයස අවුරුදු 25 සහ 21 යන වයස්වල පසුවන එම සැකකරුවන් දෙදෙනා සාලියවැව නීලබැම්ම ව්‍යාපාරයේ පදිංචිකරුවන්ය. දරුවන් දෙදෙනාම විවහාකයන් බව පොලිසිය කියයි.
පෙරේදා (28) සවස සිය වැඩිමහල් පුතාගේ නිවසට ගොස් ඇති මව ඇය විසින් ඉදිකළ කඩකාමරයේ යතුර ඉල්ලා ඇති බව පොලිසිය කියයි. එහිදී පුතුන් දෙදෙනා විසින් යතුර ලබාදීම ප්‍රතික්ෂේපකරමින් තමාට පහරදී රන් මාලය කඩාගත් බවට මව විසින් පැමිණිල්ලක් කළ බව පොලිසිය සඳහන් කළේය.
ඒ සම්බන්ධයෙන් විමර්ශනයක් පවත්වා රුපියල් ලක්ෂ 3ක් පමණ වටිනා එම රන් මාලයද සොයාගනිමින් පුතුන් දෙදෙනාව අත්අඩංගුවටගත් බව සාලියවැව පොලිසිය සඳහන් කළේය.
