“සජිත් -අනුර ජනපති සටනින් ඉවත් වී මේ වේදිකාවට ඇවිත් වාඩිවෙන්න“

සජිත් ප්‍රේමදාස මහතාට සහ අනුර කුමාර දිසානායක මහතාට ජනපති සටනින් ඉවත් වී තම වේදිකාව දෙපස වාඩිවි තමාට ජනාධිපති වීමට සහාය දෙන ලෙස ජනාධිපති රනිල් වික්‍රමසිංහ මහතා පවසයි.

“ජනතාව මෙහෙම දුක්වින්ඳ වෙලාවේ සජිත් ප්‍රේමදාස කොහෙද හිටියේ? අනුර කුමාර කොහෙද හිටියේ? ජනතාවගේ දුක තෙරෙනවා නම් ඒ වෙලාවේ ආණ්ඩු බලය අරගෙන කරන්න තිබ්බේ. ආණ්ඩුව අයින් වුණාම විපක්ෂ නායකයාගේ යුතුකමක් තියෙනවා ආණ්ඩුව බාරගන්න. අනික් විපක්ෂයේ යුතුකමක් තියෙනවා ආණ්ඩුව අයින් වුණොත් පළවෙනි විපක්ෂය බාරගන්නේ නැතිනම් දෙවනි විපක්ෂය බාරගන්න.කොහෙද හිටියේ? අද කතා කරනවා ජනතාවගේ දුක ගැන. මම අහන්නේ ගෑස් සිලින්ඩරය 4800 වෙද්දී කොහෙද හිටියේ සජිත්. ගෑස් සිලින්ඩරය 4900 කොහෙද හිටියේ අනුර. අපේ පරණ වමේ භාෂාවෙන් කියනවා නම් ‘මේවට උත්තර දියාපියෝ‘ මේවට උත්තර දෙන්න බැරිනම් ඡන්දෙ ඉල්ලන්න එපා ඔබතුමත් ඇවිත් මේ වේදිකාවේ දෙපැත්තේ වාඩිවෙන්න. දැන් ලිට්‍රෝ ගෑස් සිලින්ඩරය 1200කින් අඩුවුණා. ලාෆ්ස් 2170කින් අඩුවුණා. ඉතින් පුදුමද මං ගෑස් සිලින්ඩරය ගන්න එක මගේ ඡන්ද ලකුණ හැටියට. ඊට වඩා සුදුසු එකක් නෑ. අනික් නායකයෝ බැහැ කියලා පැනලා යද්දී මෙතන හිටියේ පුළුවන් කියලා හිතපු අය. මෙතන නිල් කොළ හැම පාටින්ම ඉන්නවා.“

ඔහු එම ඉල්ලීම කළේ සෙනසුරාදා අනුරාධපුරයේ පැවති පළමු ‘පුළුවන් ශ්‍රී ලංකා’ මැතිවරණ රැලියේදීය.

රටේ ආර්ථිකය ගොඩනැගුවේ සජිත් ප්‍රේමදාස, අනුර දිසානායක, හර්ෂ ද සිල්වා, සුනිල් හඳුන්නෙත්ති වැනි නායකයින් නොවන බව ජනාධිපති වික්‍රමසිංහ මහතා සිය කතාවේදී ප්‍රකාශ කළේය. 2022 සහ 2023 වසරවල සැලකිය යුතු ආර්ථික ප්‍රගතියක් ඇති වූයේ තම රජය ප්‍රමාණවත් පොහොර සැපයීම නිසා ගොවීන්ට සාර්ථක අස්වැන්නක් ලබා ගැනීමට හැකි වූ බව ඔහු අවධාරණය කළේය.

පුළුවන් ශ්‍රී ලංකා ප්‍රධාන රැලිය – අනුරාධපුර https://t.co/un6rQXBF5o

— Ranil Wickremesinghe (@RW_SRILANKA) August 17, 2024