ජුලි මාසයේදී විදුලි ගාස්තු සංශෝධනයක් සිදුකෙරේ.
ඒ සම්බන්ධයෙන් වන ගාස්තු යෝජනාව මේ සතියේදී මහජන උපයෝගිතා කොමිසමට ඉදිරිපත් කිරීමට නියමිත බව විදුලිබල හා බලශක්ති අමාත්‍ය කංචන විජේසේකර මහතා පවසයි.
විදුලි පාරිභෝගික ගාස්තු සංශෝධන යෝජනාව පිළිබඳ කටයුතු අවසන් කිරීම සඳහා ලංවිම ගාස්තු අංශය සමඟ අමාත්‍යවරයා සාකච්ඡාවක් පවත්වා තිබේ.
සෑම වසරකම කාර්තුවකට වරක්, වියදම් නිරූපණය වන පරිදි විදුලි අය ක්‍රමවේදය සංශෝධනය කිරීමට පසුගිය වසරේදී රජය ප්‍රතිපත්තිමය තීන්දුවකට එලැඹිණ.
