අද(27) දිනයේදී දිවයිනේ දිස්ත්‍රික් 7කට මිලිමීටර් 100කට අධික තද වැසි ඇතිවිය හැකි බවට කාලගුණ විද්‍යා දෙපාර්තමේන්තුව පවසයි.
ඒ අනුව කොළඹ, ගම්පහ, කළුතර, කෑගල්ල, රත්නපුර, ගාල්ල සහ මාතර දිස්ත්‍රික්වලට මෙසේ අධික වැසි ඇතිවීමේ හැකියාව පවතී.
පුත්තලම, කුරුණෑගල, මහනුවර, නුවරඑළිය සහ හම්බන්තොට දිස්ත්‍රික්වලට ද අද දිනයේ වැසි ලැබෙන බව කාලගුණ විද්‍යාඥයෝ පෙන්වා දී තිබේ.
නිරිත දිග මෝසම සක්‍රිය වීම හේතුවෙන් දිවයිනේ නිරිත කොටසේ වැසි තත්ත්වය තවදුරටත් බලාපොරොත්තු වන බව එම දෙපාර්තමේන්තුව කියයි.
