fbpx
තවත්
    මුල් පිටුවඋණුසුම් පුවත්රුසියානු තරුණියට අතවර කළ දෙදෙනෙක් කොටු

    රුසියානු තරුණියට අතවර කළ දෙදෙනෙක් කොටු

    මෙරට සංචාරයක් සඳහා පැමිණ සිටින 24 හැවිරිදි රුසියානු ජාතික තරුණියකට මීගමුව ඒත්තුකාල ප්‍රදේශයේදී ලිංගික අතවර කළ පුද්ගලයින් දෙදෙනෙකුව මීගමුව පොලීසිය අත්අඩංගුවට ගෙන ඇත.

    රුසියානු ජාතික තරුණිය මාර්ගයේ පාගමනින් ගමන්කරමින් සිටියදී යතුරු පැදියකින් පැමිණි සැකකරුවන් දෙදෙනා විසින් ඇයට ලිංගික අතවර කර ඇත්තේ පසුගිය 22 වෙනිදා රාත්‍රී 11.30ට පමණ බව මීගමුව පොලීසිය කියයි.

    මේ ගැන ඇය පොලීසියට පැමිණිලි කිරීමෙන් අනතුරුව යතුරුපැදි අංකය ඔස්සේ විමර්ශන පවත්වා සැකකරුවන් දෙදෙනාව අත්අඩංගුවටගත් බව මීගමුව පොලීසියේ උසස් නිලධාරියෙක් සඳහන් කළේය.

    අත්අඩංගුවටගත් සැකකරුවන් දෙදෙනා කදිරාන සහ කටානේ පදිංචිකරුවන් බවත් ඔවුන් අවුරුදු 28 සහ 23 යන වයස්වල පසුවන්නන් බවත් පොලීසිය කියයි.

    කුමාර ජයවර්ධන

    මෙවන් පුවත් එසැනින් දැන ගන්න අපේ WhatsApp News සේවාවට එකතු වන්න.

    ඔබේ අදහස් දක්වන්න.