fbpx
තවත්
    මුල් පිටුවඋණුසුම් පුවත්දේශපාලන හයියෙන් රිජ්වේ රෝහලේ නිලධාරියාගේ මාරුව අවලංගුයි

    දේශපාලන හයියෙන් රිජ්වේ රෝහලේ නිලධාරියාගේ මාරුව අවලංගුයි

    කොළඹ රිජ්වේ ආර්යා ළමා රෝහලේ නිලධාරියෙකු විනය හේතූන් මත ස්ථාන මාරු කර සිටියදී දේශපාලන බලපෑම් මත එම ස්ථාන මාරුව අවලංගු කර ගෙන නැවත එම රෝහලට පැමිණ ඇතැයි සේවකයෝ චෝදනා කරති.

    ළමා රෝහලට ත්‍යාග වශයෙන් ලැබුණු තුවා 20ක් සහ කොට්ට 7ක් අතර අස්ථානගත වීමේ සිද්ධියක් මත එම නිලධාරියා කොළඹ අක්ෂි රෝහලට මාරු කිරීමටත් ඒ සම්බන්ධයෙන් පරීක්ෂණයක් කිරීමටත් සෞඛ්‍ය අමාත්‍යාංශයේ ලේකම්වරයා පියවර ගෙන තිබිණ.

    එහෙත් දේශපාලන හා වෘත්තිය සමිති නායකයෙකුගේ දැඩි බලපෑම මත එම නිලධාරියාගේ ස්ථාන මාරුව අවලංගු කිරීමට සෞඛ්‍ය ලේකම්වරයාට සිදුව තිබෙන අතර ඔහු ළමා රෝහලට නැවත පැමිණීමෙන් පරීක්ෂණ වලට බාධා එල්ලවන බව ද රෝහල් සේවකයෝ කියති.

    එම නිලධාරියාට දූෂණ හා වංචා චෝදනා රැසක් එල්ලවී තිබෙන බවද රෝහල් සේවකයෝ පවසති.

    සොනාල් සිල්වෙස්ටර්

    මෙවන් පුවත් එසැනින් දැන ගන්න අපේ WhatsApp News සේවාවට එකතු වන්න.

    ඔබේ අදහස් දක්වන්න.