වැටුප් රහිත නිවාඩු ලබා පළාත් පාලන මැතිවරණයට තරග කිරීමට ඉදිරිපත්ව සිටින අපේක්ෂකයින්ට මැතිවරණය කල් යාම නිසා මාස තුනක් යන තුරු රැකියාව අහිමි වන බව රාජ්‍ය පරිපාලන අමාත්‍යාංශය නිකුත් කර ඇති චක්‍රලේඛයක සඳහන් වේ.
මැතිවරණය කල් ගියහොත් නාම යෝජනා භාර දුන් දිනයේ සිට මාස තුනක් ගත වන තෙක් එම අපේක්ෂකයා වැටුප් රහිත නිවාඩු ලබා සිටිය යුතු බව ද එහි සඳහන් වේ.
නාම යෝජනා භාරදී මාස තුනක් ගතවූ පසුව රජයේ සේවකයින්ට නැවත තමන් හිටපු සේවා ස්ථානයට වාර්තා කළ හැකි බවද එම චක්‍රලේඛයේ සඳහන් වේ.
මෙවර පළාත් පාලන මැතිවරණයට රජයේ සේවකයන් 3000කට ආසන්න පිරිසක් තරග කිරීමට වැටුප් රහිත නිවාඩු ලබා සිටින බවද වාර්තා වේ.
