මඩකලපුව කොක්කඩිචෝලේ තාන්තාමලේ පිහිටි මිනච්චිඕඩෙයි වැවේ ඔරුවක් පෙරලී සිසුන් තිදෙනෙක් සහ ගුරුවරයෙක් දියේ ගිලී මියගොස් ඇත.
මෙම අනතුර සිදුව ඇත්තේ අද දහවල් කලයේදීය.
මෙවර සාමාන්ය පෙළ විභාගයට මුහුණ දීමට නියමිතව සිටින සිසුන් 11 දෙනෙක් සමඟ උපකාරක පංති ගුරුවරු තිදෙනෙක් චාරිකාවක් සඳහා පැමිණ වැවේ ඔරුපැදීමට ගොස් මෙම අනතුර සිදුව ඇති බව පොලීසිය කියයි.
පැමිණි පිරිස අතර සිසුවියන් 07 දෙනෙක් සිටින බව පොලීසිය කියයි.
මෙහිදී අබලන් වූ ඔරුවක නැගුණු සිසුන් තිදෙනෙක් ඔරු පදිමින් සිටියදී ඔරුව පෙරලී ඇති බවත් එහිදී දියේ ගිලෙමින් සිටි සිසුන් බේරා ගැනීමට දියට පැන්න ගුරුවරයෙක් සමඟ එම සිසුන් තිදෙනා දියේ ගිලී මියගොස් ඇති බව පොලීසිය සඳහන් කළේය.
මියගිය 16 හැවිරිදි සිසුන් තිදෙනා සහ 27 හැවිරිදි ගුරුවරයා වෙල්ලාවලි, කළුදන්වේලි ප්රදේශයේ පදිංචිකරුවන්ය.