ප්‍රංශ හමුදා නිලධාරියෙකු ලෙස ජීවිතය ආරම්භකර, හමුදා ප්‍රධානියා සහ ප්‍රංශයේ අධිරාජ්‍යයා ලෙස කිරුලු පලඳා, රටවල් ගණනාවක් දික්විජය කර සහ ප්‍රංශයට මෙන්ම තමන් නතු කරගත් රාජ්‍යයන්ටත් ඉතා ප්‍රගතිශීලී නීති පද්ධතීන් හඳුන්වාදුන්, නව්‍ය යුධ ක්‍රමෝපායන් ගණනාවක්ම මෙන්ම වර්තමානයෙ බහුලව භාවිතා වන ක්‍රමෝපාය යන වචනය ශබ්දකෝශ වලට ඇතුලත් කිරීමට මෙන්ම සටන් ශාස්ත්‍රය පිලිබඳ ග්‍රන්ථ දෙකකට පදනම වූ සහ යුරෝපය පුරා හමුදා ප්‍රතිසංස්කරනයන්ට හේතුකාරකයා වූත් නැපෝලියන් බොනපාට් අභාවප්‍රාප්ත වී අද දිනට (එනම් මැයි මස 5 ) ශතක දෙකක්වේ.
කුඩා කල සිටම නැපෝලියන් බොනපාට් මගේ ප්‍රියතම චරිතයක් වූයේ ඔහු විසින් බ්‍රිතාන්‍යයන්ට ලබාදුන් පරාජයන් වූවත්, පසු කලකදී නැපෝලියන් කල කී දේවල් මට බොහෝදේ ඉගෙන ගැනීමට පාදක විය.
එමෙන්ම,එදා සිට මේ දක්වාම මට නැපෝලියන්ගේ සංග්‍රාම ක්‍රමෝපායන් තුලින් ඉගෙනගත් හා ප්‍රයෝජනවත් වූ දේවල් බොහොමයක් තිබේ. ඒ අනුව එක් ආකාරයකින් ඔහු ගුරුවරයෙකු සහ මග පෙන්වන්නැකි. නමුත්, බොහෝ නායකයන්ට මෙන්ම අවසානයේදී නැපෝලියන්ටත් සියල්ල අහිමි වී ගොස් සිරකරුවෙකු ලෙස රටින් පිටුවහල් වී මිය යන්නට සිදු විය.
මේ නිසා නැපෝලියන් කල සාර්ථක ක්‍රියාවන් තුලින් ඉගෙනීමට මෙන්ම ඔහුට වැරදුනේ කෙසේද සහ එම වැරදීම් තුලින් අපට ඉගෙන ගත හැක්කේ මොනවාද යන්නත් විමසීමට පෙලඹුනි. මෙහි දැක්වෙන්නේ නැපෝලියන් වරද්දා ගත් දේවල් පිලිබඳ ආවර්ජනයක් නොව එතුලින් සහ ඒ අනුසාරයෙන් මවිසින් ඉගෙන ගත් පාඩම් පිලිඹඳ සංක්ශිප්ත විමසුමකි.
- ඔබේ ආශාවන් සහ අභිමතාර්ථයන් පාලනය කර ගන්න. යමක් කරන්නට පෙර කරන්නේ කුමක්ද යන්නට වඩා එය කරන පරමාර්ථය තමන්ටම පහදා ගන්න. එමෙන්ම, තමන් විසින් ධනය, බලය, කීර්තිය වැනිදේ යම් පමනකට ලද විට සෑහීමකට පත්වන්නට ඉටා ගන්න.
- අධි-තක්සේරුව ඉතා භයානකය. තමන්ව සහ අන් අයව අව-තක්සේරු කිරීමේ වරද පිලිඹඳ නිතර ඇසෙන මුත්, තමන්ව සහ තම බලය සහ ශක්තිය අධි-තක්සේරු කරගෙන සිටීම ඊටත් වඩා භායානක සහ විනාශකාරී වන්නකි. විශේශයෙන් නායකයෙකු තමන් “සියල්ල දන්නා බව” හෝ “තමන් සැමවිටම නිවැරදි බව” හෝ “තමන්ට වඩා සමතෙක් නොමැති බව” හෝ සිතීම මෙම අධිතක්සේරුව පෙන්වන අවස්ථාවන්ට නිදසුන් වේ.
- අනවශ්‍ය සතුරන් ඇතිකර ගැනීමෙන් වලකින්න.
- අන් අයගේ මතයන් පිලිඹඳව හොඳින් සලකා බලන්න.
- සත්‍ය තත්වයට මුහුන දෙන්න.
- තීරන ගැනීමේ ක්‍රියාවලියට බාධා කිරීමට මමත්වයට ඉඩ නොදෙන්න.
- යමක් අසාර්ථක බව දැනගත් පලමු මොහොතේදීම හානිවාරන ක්‍රියාමාර්ගයන්ට එලඹෙන්න.
- අවදානම් පිලිඹඳ ගැඹුරින් පුරෝකථනයක යෙදී අනපේක්ශිත සහ හදිසි තත්වයන්ට මුහුනදීමේ පෙර සූදානමකින් යුතුව ක්‍රියා කරන්න.
- සතුරන් තමන්ට එරෙහිව එක්සත් කරදෙන වරදවල් කිරීමෙන් වලකින්න.
- තමන්ට පක්ශපාතී සහ හිතවත් අය ශක්තිමත් කිරිමට ක්‍රියා කරන්න.
