නේපාලයේ පුද්ගලයින් හැත්තෑ දෙදෙනෙකු රැගෙන ගමන් කළ ගුවන්යානයක් කඩා වැටීමෙන් පුද්ගලයින් හතලිස් දෙනෙකු මරණයට පත්ව ඇති බවට වාර්තාවේ.
ඒ අනුව නේපාලයේ යෙටී ගුවන් සේවයට අයත් මෙම ගුවන් යානය කත්මණ්ඩු නුවර සිට සංචාරක නගරයක් වන Pokhara වෙත ගමන් ගන්නා අතරතුරදී මෙලෙස අනතුරට පත්ව තිබේ.
සමාජ මාධ්‍යවල පළ කරන ලද වීඩියෝවල දැක්වෙන්නේ ගුවන් යානය ජනාකීර්ණ ප්‍රදේශයක් අසලින් පියාසර කරන අතර තුරදී පාලනයෙන් ගිලිහී තලෙස භ්‍රමණය වීමට පටන්ගෙන ඇති බවයි.
මෙම ගුවන් යානයේ අවම වශයෙන් විදේශිකයන් 15 දෙනෙකු සහ කාර්ය මණ්ඩල සාමාජිකයින් හතර දෙනෙකු ඇතුළුව මගීන් 68 දෙනෙකු යානයේ සිට ඇත.
ගුවන් තොටුපළේ සිට කිලෝමීටර් එකහමාරක් දුරින් පිහිටි සෙටි ගං ඉවුරේ කඩා වැටුණු ස්ථානයේ නේපාල සොල්දාදුවන් සිය ගණනක් මුදා ගැනීමේ මෙහෙයුමට සම්බන්ධ වී සිටිති.
කෙසේ වෙතත් එරට මාධ්‍ය වාර්තා සඳහන් කරන ආකාරයට මේවන විට මළ සිරුරු හතලිහක් සොයා ගැනීමට හැකිව ඇති අතර දිවි ගලවාගත් පුද්ගලයින් සිටී දැයි සෙවීමේ මෙහෙයුම් ආරම්භ කර ඇති බවයි.
Moments of Nepal air crash #pokhra #NepalPlaneCrash read full story here https://t.co/0c3547Tyok pic.twitter.com/DFcdX6Zvmd
— India Blooms (@indiablooms) January 15, 2023
