fbpx
තවත්
    මුල් පිටුවඋණුසුම් පුවත්මොබයිල් ෆෝන් -ඩේටා ගාස්තු ගැන මැතිසබේදී කියූ දේ..

    මොබයිල් ෆෝන් -ඩේටා ගාස්තු ගැන මැතිසබේදී කියූ දේ..

    ජංගම දුරකතන ගාස්තු සහ DATA ගාස්තු සඳහා සහනයක් ලබාදීම කෙරෙහි අවධානය යොමු කරන ලෙස සමගි ජනබලවේග‍ පාර්ලිමේන්තු මන්ත්‍රී ගයන්ත කරුණාතිලක මහතා අද රජයෙන් ඉල්ලීමක් කළේය.

    පාර්ලිමේන්තුවේදී මන්ත්‍රීවරයා මෙම ඉල්ලීම කළේ පසුගියදා මෙම ගාස්තු ඉහළ යාම නිසා මෙරට බොහෝ පිරිසකගේ අන්තර්ජාල ගාස්තු හා බැඳුණු මාධ්‍ය භාවිතයට බාධා එල්ල වී ඇති බවයි.

    “අද බොහෝ දෙනෙක් රූපවාහිනිය නරඹන්නේ, ඒ වගේම ගීතවලට සවන් දෙන්නේ, සමාජ මාධ්‍ය පරිහරණය කරන්නේ, බොහෝ විට අධ්‍යාපනය ලබන්නේත් ජංගම දුරකථනවලින් සහ data වලින් බව. ඒක මෑත කාලයේ අපිට බොහෝ පැහැදිලිව දකින්න තියෙන දෙයක්. ජංගම දුරකථන ගාස්තු සහ Data ගාස්තු මේ වනවිට විශාල වශයෙන් ඉහළ ගොස් තිබෙනවා. ජංගම දුරකතනය ඔස්සේ සමාජ මාධ්‍ය පරිභෝජනය කරන හැම කෙනෙක්ටම විශාල ලෙස ඒක බලපාලා තියෙනවා. ඒ මිල ගණන් ඉහළ යාම නිසා දැඩි අපහසුතාවයකට ඒ පිරිස පත්ව තිබෙනවා. ඒ නිසා කථානායකතුමනි ජංගම දුරකථන ගාස්තු සහ ඩේටා ගාස්තුවලට යම් සහනයක් ලබාදීම කෙරෙහි කරුණාකර රජයේ අවධානය යොමු කරන්න කියලා, ඒ ගැන විශේෂ උනන්දුවක් දක්වන්න කියලා, අපේ ජනමාධ්‍ය ඇමතිතුමාගෙන් මම ඉල්ලා සිටිනවා.”

    මෙවන් පුවත් එසැනින් දැන ගන්න අපේ WhatsApp News සේවාවට එකතු වන්න.

    ඔබේ අදහස් දක්වන්න.