fbpx
තවත්
    මුල් පිටුවඋණුසුම් පුවත්අමෙරිකාවෙන් තවත් හදිසි ඖෂධ පරිත්‍යාගයක්

    අමෙරිකාවෙන් තවත් හදිසි ඖෂධ පරිත්‍යාගයක්

    අමෙරිකාවේ ප්‍රමුඛ පෙළේ ජාත්‍යන්තර මානුෂීය සංවිධානයක් වන HOPE Worldwide විසින් ඇ. ඩොලර් 2,740,498.32 (රුපියල් 1,017,958,100.964) ක් වටිනා හදිසි ඖෂධ ද්‍රව්‍ය, ශ්‍රී ලංකාවේ ජනතාවට වෙත පරිත්‍යාග කිරීමට පහසුකම් සලසා තිබේ.

    ඒ අමෙරිකාවේ ශ්‍රී ලංකා තානාපති මහින්ද සමරසිංහ මහතාගේ මගපෙන්වීම යටතේ, වොෂින්ටන් ඩීසී හි ශ්‍රී ලංකා තානාපති කාර්යාලය විසින් කරන ලද ඉල්ලීමකට අනුව ය.

    ශ්‍රී ලංකා වොෂින්ටන් තානාපති කාර්යාලය සහ HOPE Worldwide ඒකාබද්ධ මාධ්‍ය නිවේදනයක් මගින් මේ බව සඳහන් කළේය.

    ලොව පුරා සිටින දුප්පතුන්, රෝගීන් සහ දුක්විඳින අය වෙනුවෙන් සේවය කිරීමේ අරමුණින්, HOPE Worldwide 1991 දී පිහිටුවන ලදී.

    HOPE Worldwide, අවශ්‍යතා ඇති රටවල් සමඟ එකතුවී, ස්වේච්ඡා සේවකයන් සන්නද්ධ කිරීම, ආපදාවලට ප්‍රතිචාර දැක්වීම ආදිය සිදුකරන අතර ප්‍රජාවන් කෙරෙහි බලාපොරොත්තු ඇතිකර ඔවුන් ශක්තිමත් කරනු ලබයි.

    විපත් ඇති වූ කල්හි HOPE Worldwide ගෝලීය ස්වේච්ඡා සේවකයන්, පල්ලි සහ ආයතන හවුල්කරගනිමින් අවශ්‍ය සහන ලබා දෙයි.

    HOPE Worldwide වෙතින් ශ්‍රී ලංකාවේ ජනතාව වෙත ලබාදෙන පළමු ආධාර තොගය මෙයයි.

    එහි Fluoxetine, Devenlafaxine Succinate ER, serotonin reuptake inhibitors (SSRIs) වැනි අත්‍යාවශ්‍ය ඖෂධ, hydroxychloroquine sulfate වැනි මැලේරියා නාශක සහ අධි රුධිර පීඩන ඖෂධ සහ Cartia XT සහ timolol maleate වැනි අත්‍යවශ්‍ය ඖෂධ අඩංගුවේ.

    තීරණාත්මක කාලවලදී ඛේදවාචකයන්ගෙන් පීඩාවට පත් ප්‍රජාවන්ට උපකාර කිරීමට හැකි වන්නේ ශක්තිමත් හවුල්කාරිත්වයන් සහ පරිත්‍යාගශීලීන්ගේ නොමසුරු ආධාර තුළින් පමණක් බව HOPE Worldwide හි සභාපති සහ ප්‍රධාන විධායක නිලධාරී ඩේව් මාලුටිනොක් මහතා පැවසීය.

    ජාත්‍යන්තර ආධාර සහ ඖෂධ සැපයුම් දිවයිනට ඉතා වැදගත් වන මොහොතක මෙම කටයුත්ත ශ්‍රී ලංකාවේ සෞඛ්‍ය අමාත්‍යාංශය සමඟ සහයෝගයෙන් ක්‍රියාත්මක වේ.

    ශ්‍රී ලාංකීය මහජනතාව ශ්‍රී ලංකා තානාපති කාර්යාලය සමඟ එක්ව, දෙනු ලබන ආධාර සහ කැපවීම පිළිබඳව HOPE Worldwide වෙත සිය හෘදයාංගම ස්තුතිය සහ කෘතඥතාව පළ කරනු ලබයි.

    මෙවන් පුවත් එසැනින් දැන ගන්න අපේ WhatsApp News සේවාවට එකතු වන්න.

    ඔබේ අදහස් දක්වන්න.