මාස දෙදක කාලයක් පුරාවට චීනයේ ෂැංහයි නගරයට පනවා තිබූ දැඩි සංචරන සීමා අද පෙර වරුවේදී (1) ඉවත් කිරීමට චීන බලධාරීන් පියවර ගෙන තිබේ.
ඒ අනුව අද දිනය උදා වූ අළුයම 12 පසුවෙනවාත් සමඟ ෂැංහයි දෙකෝටි පනස් ලක්ෂයක් වූ නගර වැසියන් ප්‍රීති ඝෝෂා පවත්වමින් සංචරණ සීමා ඉවත් කිරීම උත්සවාකාරයෙන් සැමරූ බවට විදෙස් මාධ්‍ය වාර්තා කරයි.
කෙසේ වෙතත් තවමත් ෂැංහැයි වැසියන් හය ලක්ෂ පනස් දහසක් තමවත් සිය නිවෙස් වලට සීමා වී ඇති බවට වාර්තා වන අතර ඔවුන් සියලුදෙනා චිනයේ දැඩි නිරෝධායන නීති වලට අනුව නිවෙස් වලින් පිටවීමට අවසර හිමිවූ පිරිස වේ.
චීනයේ “ශුන්ය කොවිඩ්” ප්‍රතිපත්තිය හේතුවෙන් යම් අයෙකුට කොරෝනා වෛරසය වැලදී ඇති බවට අනාවරණය වුවහොත් ඔහු වහාම නිරෝධායනයට හෝ රෝහල් ගත කිරීම සිදුකරයි. එසේම එම තැන්තාගේ ආශ්‍රිතයින්ද කොරෝනා පරීක්ෂාවකට ලක්කර නිරෝධායනයට යොමු කිරීම තවදුරටත් ක්‍රියාත්මකය.
සංචරණ සීමා ඉවත් කිරීම සම්බන්ධනේ ෂැංහයි නගරයේ රජයේ ප්රිකාශිකාව වන යින් ෂින් වාර්තාකරුවන්ට පැවසුවේ “මෙය අපි බොහෝ කලක සිට සිහින මැවූ දිනයක්.” ලෙසයි.
“හැමෝම මේ කාලයේදී බොහෝ කැපකිරීම් කර තිබෙනවා. එව්ගේම මෙම දිනය ඉතා අමාරුවෙන් දිනා ගත්ත දෙයක් ඒ නිසා අපි එය අගය කොට ආරක්ෂා කළ යුතු වෙනවා. අපට හුරුපුරුදු සහ මග හැරුණු ෂැංහයි වෙත නැවත සාදරයෙන් පිළිගන්නවා.” යනුවෙන්ද ඇය වැඩිදුරටත් ප්‍රකාශ කර තිබේ.
සංචරන සීමා ඉවත් කළත් තවමත් චීනය දැඩි නීති අනුගමනය කරනු ලබයි. එහිදී නිවැසියන්ට තම නිවෙස පිහිටි ඇති ප්‍රදේශය හෝ ගොඩනැගිලි සංකීර්ණයෙන් පිටත පැමිණිමටත් පොදු ස්ථානවලට ප්රවවේශ වීමට ඔවුන්ගේ ස්මාර්ට් ජංගම දුරකතනයට ලැබෙන අවසර පත්‍රය පෙන්වීම අවශ්‍ය වේ.
ඒ අනුව පොදු ප්‍රවාහනය භාවිතා කිරීමට හෝ බැංකු, වෙළඳ සැල් ආදියට යාමට අවශ්‍ය කරනු ලබන ජනතාවට ගතවූ පැය 72 තුළ කරණ ලද වලංගු පී.සී.ආර් පරීක්ෂණයකින් තමන්ට කොරෝනා වෛරසය වැලදී නොමැති බවට සනාථ කරන සහතිකයක් තිබිය යුතුය.
මේ අතර ෂැංහයි නගරයෙන් පිටවීමේදී අනුගමනය කළ යුතු නීති රැසක් පවතී. ඒ අනුව වෙනත් නගරයකට ගමන් කරන ඕනෑම අයෙකු ආපසු පැමිණීමේදී දින 7-14 ක නිරෝධායනයකට ලක්වීම අනිවාර්ය වේ.
පසුගිය කාලයේ සංචරණ සීමා ක්‍රියාත්මක වීම නිසා නගරයේ ආර්ථික කටයුතු වලට දැඩි බලපෑමක් එල්ල වූ අතර ලොව ප්‍රමුඛ පෙලේ මොටර් රථ නිෂ්පාදන සමාගම් වන වොක්ස් වැගන් සහ ටෙස්ලා හී නිෂ්පාදන කටයුතුද අඩපණ වී තිබිණි.
මෙම තත්ත්වය හේතුවෙන් තවත් ඇමරිකානු සමාගම් රැසක සිය නිෂ්පාදන කටයුතු ඇණහිටීමෙන් විශාල පාඩු ලැබීම්ද වාර්තා විය.
