අමාත්‍යධූරවලින් ඉවත් කරනු ලැබූ විමල් වීරවංශ හා උදය ගම්මන්පිල මහත්වරුන්ට සාධාරණය කරනතුරු තමන් යළි කැබිනට් මණ්ඩල රැස්වීම්වලට සහභාගි නොවන බව ප්‍රජාතන්ත්‍රවාදී වාමාංශික පෙරමුණේ නායක, ජලසම්පාදන අමාත්‍ය වාසුදේව නානායක්කාර මහතා ජනාධිපති ගෝඨාභය රාජපක්ෂ මහතාට ලිපියක් මගින් දැනුම් දී තිබේ.
එමෙන්ම තමන් මින් ඉදිරියට ජලසම්පාදන අමාත්‍ය ධූරයේ කටයුතු කිරීමෙන් දිගටම වැළකී සිටින බව ද ඇමතිවරයා ජනාධිපතිවරයාට යැවූ ලිපියේ සඳහන් කර ඇතැයි දැනගන්නට ඇත .
විමල් වීරවංශ සහ උදය ගම්මන්පිල යන දෙදෙනාට සාධාරණය ඉටු වන තුරු තමන් ඇමති ධුරයේ කටයුතු වලින් වැළකී සිටින බව නානායක්කාර මහතා හවුල් පක්ෂවල නායකයින්ගේ සහභාගිත්වයෙන් ඉකුත් සිකුරාදා පැවති මාධ්‍ය හමුවේදීද ප්‍රකාශ කළේය.
