වැලිගම මිදිගම තුර්කි ගම්මානයේදී පුද්ගලයෙකුට ඊයේ රාත්‍රීෙය්දී වෙඩි තබා ඝාතනයකර තිබේ.
එම ඝාතනය ඩුබායි හී රැදී සිටින ප්‍රබල මත්කුඩු ජාවාරම්කරුවෙකුගේ නියෝගයකින් ඝාතනයට ලක්වූ පුද්ගලයාගේ මිතුරෙක් විසින් කර ඇතැයි පොලිස් විමර්ශන වලින් අනාවරණය වී ඇත.
ඝාතනයට ලක්ව ඇත්තේ තුර්කි ගම්මානයේ පදිංචිව සිටි 46 හැවරදි පුද්ගලයෙකි. 2015 වසරේදී මෙම පුද්ගලයාව හරක් කටා ඇතුළු පිරිසක් විසින් පහරදී කපාකොටා තුවාල කිරීමක් සම්බන්ධයෙන් නඩුවක් මාතර මහාධිකරණයේ විභාගවේ. එම නඩු විභාගය ඊයේ පැවති අතර එහිදී හරක් කටාගේ පාර්ශවය නඩුව සමතයකට පත්වීමට අධිකරණයේදී ඉල්ලීමක් කර ඇත. එහිදී ඝාතනයට ලක්වූ පුද්ගලයා රුපියල් ලක්ෂ 10 ක මුදලක් ඉල්ලා ඇති බවත් හරක් කටාගේ පාර්ශවය රුපියල් ලක්ෂ 10 ක මුදලක් ලබාදීමට එකඟවී ඇති බවත් පොලීසිය කියයි. රුපියල් ලක්ෂ 05 ක මුදල ගබාගෙන සමතයකට පත්වීමට ඝාතනයට ලක්වූ පුද්ගලයා එකඟ නොවීම හේතුවෙන් නඩුව කල්ගොස් ඇත.
එදින උදෑසන සිට ඔහුව යතුරු පැදියේ නන්වාගෙන අධිකරණයට ගොස් නඩුව අවසන්ව නිවස වෙත රැගෙන විත් ඇති මිතුරා විසින් අවසානයේදී ඔහුට වෙඩි තබා ඝාතනයකර ඇති බව පොලිස් විමර්ශන වලින් පෙනී ගොස් තිබේ.
මේ වන විට එම සැකකරු සැඟවී සිටින බවත් ඔහුව අත්අඩංගුවට ගැනීමට පරීක්ෂණ පවත්වන බවත් පොලීසිය කියයි.
