අවම බස් ගාස්තුව රුපියල් 17 ක් ලෙස ඉහළ නැංවීමට තීරණය කර තිබේ.
එම තීරණය ලබන පස් වනදා සිට ක්‍රියාත්මක කිරීමටත් එකග වී ඇත.
එමෙන්ම සමස්ත බස් ගාස්තු 17% ඉහළ නැංවීමට ද මෙම සාකච්ඡාවේ දී තීරණය කෙරුණි.
වැඩි වුණ ඉන්ධන මිලට සාපේක්ෂව බස් ගාස්තු සංශෝධනය කරන ආකාරය පිළිබද තීරණාත්මක සාකච්ඡාවක් අද පස්වරුවේ පැවැත්විණ.
රාජ්‍ය අමාත්‍ය දිලුම් අමුණුගම මහතාගේ ප්‍රධානත්වයෙන් පැවැත්වෙන සාකච්ඡාවට බස් සංගම් නියෝජිතයන් කිහිප දෙනෙක් එක්ව සිටියහ.
ඉන්ධන මිල පසුගියදා ඉහළ යාම හා බස් රථ අමතර කොටස්වල මිල ඉහළ යාම සැලකිල්ලට ගනිමින් ගාස්තු සංශෝධනයක් සිදු කරන ලෙසට බස් සංගම් නියෝජිතයන් රජයෙන් ඉල්ලා සිටියහ.
ඒ අනුව එක් සාකච්ඡාවක් පසුගිය බදාදා පැවැත්වුණි.
