ජනාධිපති ගෝඨාභය රාජපක්ෂ මහතා 05 වන ඉන්දීය සාගර සමුළුවට සහභාගිවීම සදහා අද (03) දිවයිනෙන් පිටත්ව යාමට නියමිතය.
එක්සත් අරාබි එමීර් රාජ්‍යයේ, අබුඩාබි නුවරදී හෙට (04) සහ අනිද්දා (05) යන දෙදින මෙම සමුළුව පැවැත්වේ.
“පරිසරය, ආර්ථිකය, වසංගතය”මෙවර සමුළුවේ තේමාව වේ.
දේශගුණික විපර්යාස වල වර්ධනයත් සමඟ එම තර්ජනයන්ට මුහුණ දිය යුත්තේ කෙසේද යන්න පිළිබඳව මෙම සමුළුවේ දී සාකච්ඡාවට ලක්වනු ඇත.
හිටපු අග්‍රාමාත්‍ය පාර්ලිමේන්තු මන්ත්‍රී රනිල් වික්‍රමසිංහ මහතා ඉන්දියානු සාගර සමුළුවේ හිටපු සභාපතිවරයා. මෙවර සමුළුව රනිල් වික්‍රමසිංහ මහතා ඇමතීමට නියමිත බව එක්සත් ජාතික පක්ෂයේ හිටපු මන්ත්‍රී වජිර අබේවර්ධන මහතා සිරිකොත පක්ෂ මූලස්ථානයේදී ඊයේ (02) පැවති මාධ්‍ය හමුවකදී සදහන් කළේය.
