දකුණු අප්‍රිකාවෙන් හඳුනාගත් ඔමික්‍රෝන් කොරෝනා වෛරස ප්‍රභේදය ආසාදනය වූවන් දෙදෙනෙකු ඕස්ටේ්‍රලියාවෙන් හඳුනාගෙන තිබේ.
මෙම ආසාදිතයින් දෙදෙනා දකුණු අප්‍රිකානු කලාපයේ සිට ඕස්ටේ්‍රලියාවට පැමිණ ඇති නිව් සවුත්වෙල්ස් සෞඛ්‍ය බලධාරීන් නිවේදනය කර ඇත.
ආසාදිතින් සෙනසුරාදා දිනයේදී සිඩ්නි නගරයට පැමිණ ඇති අතර එහිදී සිදුකළ පරීක්ෂාවකදී ඔවුන්ට කොරෝනා වෛරසය වැලදී ඇති බවට අනාවරණය වී තිබේ. එහිදී සිදු කළ වැඩිදුර පරීක්ෂාවකදී ඔවුන් හට නන ඔමික්‍රෝන් ප්‍රභේදය වැලදී ඇති බවට හඳුනාගෙන ඇත.
මෙම ආසාදිතයින් දෙදෙනා පූර්ණ එන්නත්කරණයට ලක්වූවන් වන අතර ඔවුන් තුලින් කිසිඳු රෝග ලක්ෂණයක් පෙන්නුම් කර නොමැති බවද නිව් සවුත්වෙල්ස් සෞඛ්‍ය බලධාරීන් ප්‍රකාශ කරයි.
අදාල ආසාදිතයින් සමග තවත් දොලොස් දෙනෙකු පැමිණ ඇති අතර ඔවුන්ද දින 14ක කාලයකට නිරෝධායනයට යොමු කර ඇති බවත් ඕස්ටේ්‍රලියානු බලධාරීන් සඳහන් කරයි.
ඒ අනුව නව වෛරස ප්‍රභේදය අසාදනය වුවන් මේවන විට බි්‍රතාන්‍ය, ඉතාලිය සහ ජර්මනියෙන් හඳුනාගෙන තිබේ.
