අයවැයට පක්ෂව ඡන්දය දුන් ශ්‍රී ලංකා මුස්ලිම් කොංග්‍රසයේ මන්ත්‍රීවරුන් තිදෙනාට නිදහසට කරුණු ඉදිරිපත් කරන්නැයි අද 26 ශ්‍රී ලංකා මුස්ලිම් කොංග්‍රසය දැනුම් දී තිබේ .
දිගාමඩුල්ල පාර්ලිමේන්තු මන්ත්‍රීවරුන් වන ෆයිසාල් කාසිම් සහ එච්.එම්.එම්. ෆාරිස් යන මන්ත්‍රීවරුන් දෙදෙනාත් මඩකලපුව දිස්ත්‍රික් මන්ත්‍රී නසීර් අහමඩ් මහතා මහතාත් පසුගියදා අයවැය දෙවන වර කියවීමේ ඡන්ද විමසීමේදී ආණ්ඩුව සමග එක්ව ඊට පක්ෂව ඡන්දය ප්‍රකාශ කළහ.
ශ්‍රී ලංකා මුස්ලිම් කොංග්‍රසයේ උත්තරීතර මණ්ඩලය තීරණය කර තිබුණේ මේ අය-වැයට විරුද්ධව ඡන්දය ප්‍රකාශ කිරීමට ය.
පක්ෂයේ තීන්දු නොතකා අයවැයට පක්ෂව ඡන්දය ප්‍රකාශ කිරීම සම්බන්ධයෙන් ඉහත මන්ත්‍රීවරුන් තිදෙනා පක්ෂයේ දරණ සියලුම තනතුරුවලින් ඉවත් කිරීමට ද කිරීමටද මුස්ලිම් කොංග්‍රසය කටයුතු කළේය.
නිදහසට කරුණු විමසා විනය පරීක්ෂණයක් පවත්වා එම මන්ත්‍රීවරුන් තිදෙනා සම්බන්ධයෙන් ඉදිරි ක්‍රියාමාර්ග ගන්නා බවද ශ්‍රී ලංකා මුස්ලිම් කොංග්‍රසය සඳහන් කරයි.
