fbpx
තවත්
    මුල් පිටුවඋණුසුම් පුවත්පාස්කු ප්‍රහාරයට කලින් හිටපු බුද්ධි ලොක්කා රංජිත් මද්දුමබණ්ඩාරට දුන් රහස් වාර්තාවක් එළියට

    පාස්කු ප්‍රහාරයට කලින් හිටපු බුද්ධි ලොක්කා රංජිත් මද්දුමබණ්ඩාරට දුන් රහස් වාර්තාවක් එළියට

    පාස්කු ඉරිදා ප්‍රහාරයට මාස 11කට පෙර සහරාන් අත්අඩංගුවට ගන්නා ලෙස නිර්දේශ කරමින්, යහපාලන ආණ්ඩුව සමයේ නීතිය හා සාමය භාර අමාත්‍ය සහ වත්මන් මහලේකම් සමගි ජනබලවේගයේ රංජිත් මද්දුමබණ්ඩාර මහතාට හිටපු රාජ්‍ය බුද්ධි ප්‍රධානී ජ්‍යේෂ්ඨ නියෝජ්‍ය පොලිස්පති නිලන්ත ජයවර්ධන මහතා විසින් ඉදිරිපත් කළ බව කියන බුද්ධි වාර්තාවක් ධීවර කටයුතු හා මත්ස්‍ය අපනයන රාජ්‍ය අමාත්‍ය කාංචන විජේසේ‍කර මහතා විසින් සමාජ ජාලයට මුදාහැර තිබේ.

    රාජ්‍ය අමාත්‍යවරයා පවසන්නේ ප්‍රහාරයන් සිදුවීමට පෙර ඒ පිළිබඳව කිසිවකු දැනුවත් නොකළ බවටත්, යහපාලන ඇමැතිවරුන් දැනුවත් නොකළ බවටත් ඔවුන් නොදැන සිටි බවටත් කරන ප්‍රකාශ සම්පූර්ණ අසත්‍ය ප්‍රකාශයක් බවයි.

    සමගි ජනබලවේගය තවමත් මෙය හිටපු ජනපති මෛත්‍රීපාල සිරි‍සේනට හෝ හිටපු අගමැති රනිල් වික්‍රමසිංහට සහ වත්මන් ආණ්ඩුවට පවරන්නේ ද යන්න කාංචන විජේසේකර මහතා විමසා සිටී.

    රාජ්‍ය අමාත්‍යවරයා අන්තර්ජාලයට මුදාහැර ඇති එම රහසිගත බුද්ධි වාර්තාව පහත දැක්වේ.

    මේ අතර සහරාන් හෂීම් ප්‍රමුඛ ආගමික අන්තවාදීන් වහාම අත්අඩංගුවට ගන්නැයි, 2015 සිට 2019 දක්වා වාර්තා 340 ක් පමණ ඉදිරිපත් කරමින් ඉල්ලීම් කළ බව හිටපු රාජ්‍ය බුද්ධි ප්‍රධානී ජ්‍යේෂ්ඨ නියෝජ්‍ය පොලිස්පති නිලන්ත ජයවර්ධන මහතා ඊයේ (23) විශේෂ ත්‍රිපුද්ගල මහාධිකරණය හමුවේ සාක්ෂි දෙමින් ප්‍රකාශ කළේ ය.

    මෙවන් පුවත් එසැනින් දැන ගන්න අපේ WhatsApp News සේවාවට එකතු වන්න.

    ඔබේ අදහස් දක්වන්න.