ග්ලයිෆොසෙට්, ප්රොනනිල්, කාබරීල්, ක්ලොෆයිරිපොස්, කාබොෆියුරාන් අඩංගු පළිබෝධනාශක භාවිතය සහ විකිණීම තහනම් කරමින් 2014 වසරේදී නිකුත් කළ ගැසට්පත්රය අවලංගුකරමින් පළිබෝධනාශක රෙජිස්ට්රාර්වරයා විසින් ඊයේ නිකුත් කළ අතිවිශේෂ ගැසට් පත්රය අවලංගුකරන බව කෘෂිකර්ම ඇමති මහින්දානන්ද අලුත්ගමගේ මහතා සඳහන් කරයි.
රජයේ ප්රතිපත්තියට පටහැනිව ග්ලයිෆොසෙට් තහනම ඉවත් කිරීම සම්බන්ධයෙන් පළිබෝධනාශක රෙජිස්ට්රාර්වරයා ධුරයෙන් ඉවත් කර විනය පරීක්ෂණයක් සිදු කරන බව ද කෘෂිකර්ම අමාත්ය මහින්දානන්ද අලුත්ගමගේ මහතා පවසයි.
2014 වසරේ නිකුත් කළ 1894/4 දරණ ගැසට් පත්රය අවලංගු කරමින් පළිබෝධ නාශක රෙජිස්ට්රාර්, ආචාර්ය ජේ. ඒ. සුමිත් මහතාගේ අත්සනින් යුතුව ඊයේ (22) අතිවිශේෂ ගැසට් නිවේදනයක් නිකුත් කෙරිණි.