සියලුම වැසියන්ට කොරෝනා මර්ධන එන්නත ලබා ගැනීම අනිවාර්ය කිරීම සම්බන්ධයෙන් ජර්මනිය තුල කතා බහක් නිර්මාණය වී ඇතැයි වාර්තා වේ.
ඒ අනුව එරට චාන්සලර්වරිය වන ඇන්ජෙලා මර්කල්ගේ පක්ෂයේ සමාජිකයින් පවසා ඇත්තෙ එන්නත් ලබා ගැනීම අනිවාර්ය කළයුතු බවයි.
ජර්මනිය එරට ජනතාවගෙන් සියයට 68කට එන්නත් මාත්‍රා දෙකම ලබා දී තිබුනද යුරෝපා කලාප සමග සසදන විට එක පහත අගයක් ගනී.
ඒ අනුව එරට ජනගහනයෙන් ඉතිරි පිරිසටද එන්නත ලබාදීමට මෙම නව නීතී වල අපේක්ෂාව වේ.
මේ අතර මර්කල්ගේ ක්‍රිස්තියානි ප්‍රජාතන්ත්‍රවාදී එකමුතුවේ තරුණ සංගමයේ ප්‍රධානී ටිල්මන් කුබාන් පවසා ඇත්තෙ එන්නත් ලබා ගැනීම අනිවාර්ය කිරීමත් එන්නත් නොගත් පුද්ගලයන්ට සංචරණ සීමා පැනවීමත් සිදුකළ යුතු බවයි.
කෙසේවෙතත් ජර්මනියේ මීළඟ චාන්සලර්වරයා වීමට බොහෝවිට ඉඩ ඇති මධ්‍ය වාමාංශික සමාජ ප්‍රජාතන්ත්‍රවාදී පක්ෂයයේ නායක හැවිරිදි ඕලෆ් ෂොල්ස් පවසන්නෙ එන්නත් ලබා ගැනීම අනිවාර්ය කිරීම සම්බන්ධයෙන් විවාදයක් පැවැත්විය යුතු බවයි
