fbpx
තවත්
    මුල් පිටුවඋණුසුම් පුවත්බේකරි වැඩ කරන දින ගණනත් සීමා වෙයි

    බේකරි වැඩ කරන දින ගණනත් සීමා වෙයි

    සතියට දින 5කට පමණක් බේකරි නිෂ්පාදන කටයුතු සීමා කිරීමට බේකරි කර්මාන්තකරුවන් ක්‍රියාකරමින් සිටින බව සමස්ත ලංකා බේකරි හිමියන්ගේ සංගමය පවසයි.

    තිරිඟු පිටි සැපයුම අඩාල වීම, ගෑස් හා භූමිතෙල්, ඩීසල් හිඟවීම ආදි හේතූන් මත බේකරි නිෂ්පාදන සිදුකිරීමේදී බරපතළ අර්බුදයකට මුහුණ පා තිබීම ඊට හේතුවී ඇතැයි එම සංගමය පෙන්වා දෙයි.

    බේකරි නිෂ්පාදන සඳහා තිරිඟු පිටි සැපයුම 25%කින් පහත වැටී ඇති බව එම සංගමය කියාසිටී.

    සැපයුමේ පවතින අමුද්‍රව්‍ය හිඟය හේතුවෙන් උත්සව සමය සඳහා බේකරි සහ රසකැවිලි නිෂ්පාදනය ද අඩුවිම, රට පුරා වෙළඳසැල් සහ සුපිරි වෙළඳසැල්වලට නිෂ්පාදන රැස්කරගත නොහැකි වීම නිසා නත්තල් සහ අලුත් අවුරුදු සඳහා එය බලපානු ඇතැයි ද එම සංගමය සඳහන් කළේය.

    “අපි මුහුණ දෙන එකම ප්‍රශ්නය තිරිඟු පිටි නොවේ. කුකර් සහ උඳුන් බොහොමයක් භූමිතෙල්, ඩීසල් හෝ ගෑස් වලින් වැඩ කරන්නේ. ඒකෙත් අඩුවක් තියෙනවා.” යැයි එම සංගමයේ ප්‍රකාශකයෙක් කීය.

    මෙවන් පුවත් එසැනින් දැන ගන්න අපේ WhatsApp News සේවාවට එකතු වන්න.

    ඔබේ අදහස් දක්වන්න.