පාකිස්ථානයේ බලුකිස්ථානයේ සහ කයිබර් පක්ටන්ක්වා ප්‍රාන්තවල සිදුවූ ත්‍රස්ත විරෝධී මෙහෙයුම් දෙකකදී පාකිස්ථානු සොල්දාදු‍වෝ තිදෙනකු ජීවිතක්ෂයට පත්වී තිබේ.
එමෙන්ම ත්‍රස්තවාදීන් කිහිපදෙනකු ද එහිදී ජීවිතක්ෂයට පත්වූ බව නිව්ස් ඉන්ටර්නැෂනල් පුවත් වාර්තා කරයි.
ටර්බට් හි අවට ප්‍රදේශයේ ත්‍රස්තවාදීන් සිටින බවට ලද බුද්ධි තොරතුරක් මත ආරක්ෂක අංශ විසින් බලුකිස්ථානයේ ටර්බට් අවට මෙහෙයුමක් දියත් කළ බව එම පුවත් සඳහන් කළේය.
කෙසේවෙතත් ආරක්ෂක අංශ විසින් ටර්බට් වැටලීමත් සමඟ ත්‍රස්තවාදීන්ට දැඩි ලෙස හානි සිදුවූ බවට වාර්තා කර තිබේ.
මෙම මෙහෙයුමේදී සාර්ගෝධාහි සෙපෝයි රම්සාන් සහ ස්වාබිහි ලාන්ස් නායික් ලියාක්වාට් ඉක්බාල් මෙලෙස ජීවිතක්ෂයට පත්ව ඇත.
ස්වාබිහිදී සාමාන්‍ය වැසියන් නිතර ගැවසෙන මාර්ගයක ත්‍රස්තවාදීන් ඇටවූ වැඩිදියුණු කරන ලද පුපුරණ ද්‍රව්‍ය ඉවත් කිරීමේ යෙදී සිටියදී ලක්කි මාර්වාට් හි පදිංචි සෙපෝයි ඉනාමුල්ලලාහ් ෂහඩාට් ද මරු වැළඳ ගත්තේ ය.
බලුකිස්ථානයේ සාමය කඩාකප්පල්කිරීමේ අරමුණින් ත්‍රස්තවාදීන්ගේ ක්‍රියාකාරකම් මැඩලීමට පාකිස්ථාන ආරක්ෂක හමුදා දැඩිව කටයුතු කරන බව එම පුවත් වාර්තා කළේය.
මේ අතර ඊයේ සිදුවූ බෝම්බ පිපිරීමකින් පොලිස් නිලධාරීන් දෙදෙනකු ද මියගොස් ඇත.
