මෙවර අයවැය මගින් රාජ්‍ය සේවකයින්ගේ වැටුප් වැඩි වීම් හා දීමනා ලබා නොදීම සම්බන්ධයෙන් මුදල් අමාත්‍ය බැසිල් රාජපක්ෂ මහතා සමඟ හෙට (16) දින අමාත්‍යාංශයේ පැවැත්වෙන සාකච්ඡා අසාර්ථක වුවහොත් ලබන (22) වැනිදා වෘත්තිය ක්‍රියාමාර්ගයකට එළඹීමේ තීරණයක් ගන්නා බව ලංකා බැංකු සේවක සංගමය අවධාරණය කරයි.
මෙම සාකච්ඡාව සඳහා රාජ්‍ය බැංකු හතක නියෝජිතයන් සහභාගීවන බවඑම සංගමයේ ප්‍රධාන ලේකම් රංජිත් සේනානායක මහතා පැවසීය.
කෙසේ වෙතත් හෙට දිනයේ මුදල් අමාත්‍යවරයා සමඟ පැවැත්වෙන සාකච්ඡාවෙන් පසුව වෘත්තීය ක්‍රියාමාර්ගය සම්බන්ධයෙන් අවසන් තීරණයක් ගන්නා බවද ඔහු පැවසුවේය.
