ඉන්දියාවට මේ දිනවල බලපා ඇති අයහපත් කාලගුණ තත්ත්වයෙන් බලපෑ පුද්ගලයින්ට පිහිට වූ වීර පොලිස් නිලධාරිනියක් සම්බන්ධයෙන් මේ දින වල ඉන්දියාව පුරාම කතාබහට ලක්වේ.
අධික වර්ෂාවත් සමඟ ඉන්දියාවේ තමිල්නාඩු ප්‍රාන්තයට බලපා ඇති ගංවතුර තත්ත්වයත් සමඟ විපතට පත්වූවන්ගේ පිහිටට පැමිණි වීර පොලිස් නිලධාරිනියක් සම්බන්ධයෙන් මේවට විට ඉන්දියාව පුරාම අවදානයට ලක්ව තිබේ.
චෙන්නායි හී ටී.පී. චත්රම් හී පොලිස් පරීක්ෂකවරියක් වන ඊ. රාජේෂ්වරී පසුගියදා ගංවතුරට හසුවූ පුද්ගයින්ට සහය වෙමින් ජනතාව මුදාගැනීමේ නිරතවී ඇත.
එහිදී ගංවතුර හසුවූ සුසාන භූමි සේවකයකු වූවිසි පස් හැවරිදි තරුණයකු ඒ මොහොත වන විටත් මරණයට පත්ව ඇති බවට බොහෝදෙනා සිතුවද ඔහු ඒ වන විටත් ජීවිතයත් මරණයත් අතර සටන් කරමින් සිටින බව වටහා ගත් පොලිස් නිලධාරිනිය වහාම ක්‍රියාත්මක වී තිබේ.
ඒ අනුව ඇය වහාම අදාල තරුණයා සිය කරමතට ගෙන කඩිනමින් ලඟම තිබූ ත්‍රීරෝධ රථයක් වෙත ගෙන ගොස් ඇති අතර පසුව ඔහුව රෝහල්ගත කිරීමට පියවරගෙන ඇත.
මෙම අවස්ථාව අසල සිටි තැනැත්තෙු සිය ජංගම දුරකථනයෙන් වීඩියෝගත කර ඇති අතර පසුව එය සමාජ ජාල මාධ්‍යවෙත මුදාහැර තිබේ.
වීඩියෝව සමාජ ජාල මාධ්‍යවෙත මුදා හැරීමත් සමඟම විශාල පිරිසක් පොලිස් නිලධාරිනියට සිය ප්‍රසංශාව එක්කර ඇති අතර 53 හැවිරිදි පොලිස් නිලධාරිනිය වීරවරියක් ලෙස හැදින්වීමට පටන්ගෙන ඇත.
පසුව ඇගේ මෙම වීර ක්‍රියාව අගය කරමින් තමිල්නඩාු මහ ඇමතති එම්.කේ. ස්ටාලින් ඇයව විශේෂ ඇගයීමකටද ලක්කර තිබේ.
ඇය සිය වෘත්තීය ජීවිතය පුරාවටම සිය දිවි පරදුවට තබා කටයුතු කර ඇති අතර 1992 වර්ෂයේදී තමිල්නාඩුවේ හින්දු ආගමික උත්සවයක ඇති වූ තෙරපීමකින් ජනතාව මුදා ගැනීමට ඉදිරිපත්වූ නීර්භීත චරිතයකි.
