fbpx
තවත්
    මුල් පිටුවදේශීය පුවත්දැල්වු පහන් දැල්වී තිබේවා..ගැයු ලක්‍ෂ්මන් විජේසේකර සමුගනී

    දැල්වු පහන් දැල්වී තිබේවා..ගැයු ලක්‍ෂ්මන් විජේසේකර සමුගනී

    ප්‍රවීණ සංගීතඥ ලක්‍ෂ්මන් විජේසේකර මහතා අද (12) පස්වරුවේ අභාවප්‍රාප්ත විය.
    සංගීතවේදියෙකු, ගායන හා රංගන ශිල්පියෙකු ලෙස ඒ මහතා ජනතා හදවත් වැළඳ ගත්තේය.

    රෝහල්ගතව ප්‍රතිකාර ලබමින් සිටිය දී ලක්‍ෂ්මන් විජේසේකර මහතා මෙලෙස මියයන විට 73 වැනි වියේ පසුවිය.

    ලක්‍ෂ්මන් විජේසේකර මහතාගේ දැල්වු පහන්, සිනා පිපෙනා,ඔබ මට තරුවකි, දෑත දෙපාලන,මේ ප්‍රේම සීමා මාලකේ ආදී ගීත රැසක් රසික හදවත් දිනාගත්තේය.

    විලම්බීත, දඟයන්ට පමණයි, ටිකිරි සහ උංගි යන ටෙලිනාට්‍යවලට සංගීත අධ්‍යක්ෂණයෙන් ද දායක වූ ඒ මහතාගේ බිරිඳ නැසීගිය ප්‍රවීණ රංගන ශිල්පී චන්ද්‍රා කළුආරච්චි මහත්මියයි.

    ඔවුන්ට දියණියක සහ පුතකු සිටියි. ටෙලි නාට්‍ය රංගන ශිල්පිනියක වන අමා විජේසේකර ඔහුගේ දියණියයි.

    ලක්ෂමන් විජේසේකර මහතාගේ දේහය මහජන ගෞරවය සඳහා ගල්කිස්ස කලාපුරයේ පිහිටි අංක 140/31/5 නිවසේ හෙට (13) දින තැන්පත් කෙරෙනු ඇත.

    දේහය පිළිබඳ අවසන් කටයුතු ඉරිදා (14) ගල්කිස්ස පොදු සුසාන භුමියේ දී පැවැත්වෙයි.

    මෙවන් පුවත් එසැනින් දැන ගන්න අපේ WhatsApp News සේවාවට එකතු වන්න.

    ඔබේ අදහස් දක්වන්න.