රාජ්‍ය නිලධාරීන් සඳහා ලබාදෙන ඉන්ධන සීමාව ලීටර් 5කින් අඩු කිරීමටත් රාජ්‍ය ආයතන හා නිලධාරීන් සඳහා දුරකතන දීමනාව 25%කින් කප්පාදු කිරීමට ලබන අයවැයෙන් යෝජනා වෙයි.
රාජ්‍ය ආයතනවල විදුලි බිල ද කප්පාදු කිරීමට අයවැයේ යෝජනා කර ඇත.
මුදල් අමාත්‍ය බැසිල් රාජපක්ෂ මහතා විසින් ඉදිරිපත් කරන අයවැය කතාවේ මේ බව යෝජනා කර සිටී.
මේ අතර විශේෂ අවශ්‍යතා සහිත පුරවැසියන් සඳහා සමාන අයිතිවාසිකම් වලංගු කිරීම සඳහා නව පනත් කෙටුම්පතක් ඉදිරිපත් කෙරේ.
මෙමගින් විශේෂ අවශ්‍යතා ඇති අය සඳහා සමාන අවස්ථා ලබා ගැනීමේ සංකල්පය රටට වැඩි සමානාත්මතාවය ගෙන ඒම තවදුරටත් තහවුරු වනු ඇත.
