මෙම කන්නය වගා කිරීමට අවශ්‍ය පොහොර කඩිනමින් ගොවීන්ට ලබාදීමට රජය කටයුතු නොකරන්නේ නම් 26 වැනිදා ගොවීන් සමඟ එක්ව පාර්ලිමේන්තුව වටකරන බව සමඟි ජනබලවෙිගය පක්ෂයේ කුරුණෑගල දිස්ත්‍රික් පාර්ලිමේන්තු මන්ත්‍රී නලීන් බණ්ඩාර මහතා පවසයි.
කෘෂිකාර්ම හා වාරිමාර්ග අමාත්‍යාංශයවල අය වැය කාරක සභා විවාදය 26 වැනිදා පැවැත්වෙන බවද මන්ත්‍රීවරයා සදහන් කළේය.
ඔහු වැඩිදුරටත් සඳහන් කර සිටියේ මෙම කන්නය වගාකිරීමට අවශ්‍ය පොහොර ගොවීන්ට ලබාදීමට රජය තවමත් කටයුතු කර නැති බවය.
මේ නිසා ගොවි ජනතාව දැඩි අපහසුතාවයට පත්ව සිටින බව කී මන්ත්‍රීවරයා රටේ සමස්ත ගොවි ජනතාව සමඟ එක්ව 26 වැනිදා පාර්ලිමේන්තුව වටකර රජයට දැනෙන පාඩමක් උගන්වන බවද සඳහන් කළේය.
