fbpx
තවත්
    මුල් පිටුවඋණුසුම් පුවත්සඳහිරු සෑයේ චූඩා මාණික්‍යය පැළඳවීම අද

    සඳහිරු සෑයේ චූඩා මාණික්‍යය පැළඳවීම අද

    අභිනවයෙන් ඉදිකල සඳහිරු සෑයේ කොත් වහන්සේට චූඩා මාණික්‍යය පැළඳවීමේ මංගල නැකත අද (08)යෙදී තිබේ.

    නොවැම්බර් මස 18 දා ජනාධිපති ගෝඨාභය රාජපක්ෂ මහතා සහ අග්‍රාමාත්‍ය මහින්ද රාජපක්ෂ යන මහත්වරුන්ගේ ප්‍රධානත්වයෙන් සඳහිරු සෑය මහා සංඝරත්නයට පූජා කිරීමට සියළු කටයුතු සූදානම් බව ආරක්ෂක ලේකම් (විශ්‍රාමික) මේජර් ජනරාල් කමල් ගුණරත්න මහතා පවසයි.

    ඒ මහතා මේ බව පැවසුවේ, ඊයේ (07) අනුරාධපුර සඳහිරු සෑ පරිශ්‍රයේ පැවති මාධ්‍ය හමු‌වටකට ඒක්වෙමිනි.

    මහා සංඝරත්නය සහ මියගිය රණවිරු පවුල්වල සමාජිකයන්ගේ සහභාගිත්වයෙන් මෙම උත්සවය සංවිධානය කර ඇතැයිද ඒ් මහතා පැවසිය.

    පුරා දශක තුනක් තිස්සේ පැවති කුරිරු යුද්ධය අවසන් කිරීම සඳහා ජීවිත පරිත්‍යාග කළ රණවිරුවන්ගේ උදාර සේවය අගය කරනු වස් ඉදි කළ සඳහිරු සෑ චෛත්‍ය ඉදිකර තිබේ.

    මෙහි නිධන් වස්තු තැන්පත් කිරීමේ මහෝත්සවය පසුගිය මාර්තු මාසයේ පැවැත්වුණි.

    සඳහිරු සෑ චූඩා මාණික්‍ය සහ කොත් වහන්සේ පිරිත් සඡ්ඡායනා මධ්‍යයේ පුරා දින 47 ක් රට පුරා බැතිමතුන්ට වැඳ පුදා ගැනීම සඳහා පෙරහැරකින් වැඩමවීමට කටයුතු යොදා තිබුණි.

    දිවයින පුරා ප්‍රධාන විහාරස්ථාන 25කදී ජනතාවට වැඳුම් පුදා ගැනීමට අවස්ථාව උදා විය.

    රුවන්වැලි මහා සෑයට පසුව ඉදිවන විශාලම දාගැබ මෙය වන අතර මුළු ත්‍රිපිටකයම රන්පත්වල සටහන් කර දාගැබේ නිදන් කර තිබේ.

    තවත් සර්වඥ ධාතු සහ නිදන් වස්තු රාශියක් එහි නිදන් කර තිබේ.

    ආරක්ෂක ලේකම් (විශ්‍රාමික) මේජර් ජනරාල් කමල් ගුණරත්න මහතාගේ උපදෙස් මත හා යුද හමුදාපති ශවේන්ද්‍ර සිල්වා මහතාගේ මෙහෙයවීම මත යුද හමුදා නවවෙනි ඉංජිනේරු සේවා රෙජිමේන්තු සිවිල් ඉංජිනේරුවරුන් ඇතුළු රණවිරුවන් හා ආරක්ෂක අංශ සාමාජිකයන් මෙම සෑය සඳහා ශ්‍රම දායකත්වය ලබා දෙයි.

    මෙවන් පුවත් එසැනින් දැන ගන්න අපේ WhatsApp News සේවාවට එකතු වන්න.

    ඔබේ අදහස් දක්වන්න.