2015 ජනාධිපතිවරණ සමයේදී දිවි නැගුම සංවර්ධන දෙපාර්තමේන්තුවට අයත් රුපියල් ලක්ෂ 365 ක මුදලක් වැය කර ජී.අයි.බට මිලදී ගෙන ප්‍රාදේශීය සභාවලට ලබාදීමේ සිද්ධියට අදාළ නඩුවෙන් අමාත්‍ය බැසිල් රාජපක්ෂ සහ දිවිනැගුම සංවර්ධන දෙපාර්තමේන්තුවේ හිටපු අධ්‍යක්ෂ ජනරාල් කිත්සිරි රණවක නිදහස් කර තිබේ.
ඒ එම නඩුවට අදාළ චෝදනා පත්‍ර නීතිපතිවරයා විසින් ඉල්ලා අස්කර ගැනීම හේතුවෙනි.
අදාළ නඩුව කොළඹ මහාධිකරණයේදී අද කැඳවූ අවස්ථාවේදී මහාධිකරණ විනිසුරු නාමල් බලල්ල මහතා මෙම නියෝගය ලබාදී තිබුණි.
